32歲負資產港女擁5層樓蝕千萬每餐吃千元呻慘：嗰陣我係日日喊！

By Macy Sun on 08 May 2025

Digital Editor

近日Now新聞台時事節目《經緯線》的專題報道《再見負資產》影片被瘋傳！當中一名32歲的港女Charlene接受訪問時大呻負資產經歷，指自己因負資產而犧牲生活質素，現時一餐飯使費已由2、3,000蚊降到800至1,000蚊，此番說話一出極速引起網民熱議！

Photo from YouTube@News On Net Programme

Charlene日前接受Now新聞台時事節目《經緯線》專題訪問，當中她就透露自己大學時讀護理系，畢業後決定做斜槓族，選擇做兼職護士，部分時間又為一些公司籌辦活動，加上炒樓，高峰期身家的確上千萬元。Charlene先後在深圳及澳門買入4個出租物業，4年前付了兩成首期於新界西買入1個800多呎自住單位，買入價約950萬元，當時未夠30歲的她已持有5個物業，覺得自己跑贏同齡人很多。

Photo from YouTube@News On Net Programme

只是後來Charlene發現自己「摸頂」入市香港單位，至今供款4年，尚欠銀行700多萬元，惟單位估價跌至不夠700萬元，即已成為負資產，其帳面損失高達上千萬元，她形容自己10年努力「一鋪清袋」。她又坦言去年上半年財務狀況最差時，銀行戶口就僅剩5,000至6,000元，令她的生活質素大幅下降：「我冇錢開飯，但我又唔可以負資產咁樣放，因為我要賠錢畀銀行，嗰陣我係日日喊囉，其實都唔知點搞！」

Photo from YouTube@News On Net Programme

另外她又指出當中最難捱時是上年收入大減，但每個月仍要為5層樓供款合共約6萬元，需要她從積蓄中拿出3、4萬元供樓。不過儘管如此她仍舊維持著高消費的生活方式，她在節目中表示：「我之前食開一餐就2、3千嘅，但依家有時就變咗食lunch囉，可能800至1,000蚊咁樣囉！或者甚至喺屋企食，跟住以前買開啲MS、LV呀，即係依家可能買啲幾百、1,000蚊嗰啲包包。」

Photo from YouTube@News On Net Programme

訪問片段一出引起了網民熱烈討論，不少人都質疑Charlene的消費觀念離地：「呢個女士沒有後悔？佢仲喺度炫耀佢食緊1千蚊飯，幾多香港人仲係食緊35蚊兩餸飯，仲係有樓住，仲話中產都不如的樓，佢而家瞓街試下就知喇，佢曾經風光過啦，有咁耐風流、有咁耐折墮。」、「貧窮限制思想，原來負資產都可以咁離地」、「一餐$2000-3000？而家變咗$800-1000 lunch ？？？點會唔負資產⋯」、「食一餐2、3,000，佢食金？」、「我住咗香港和九龍20年每日都係食魚蛋粉、雲吞麵、大家樂，原來人哋負資產食啲嘢都冇我咁慘」、「我都唔知自己睇咗啲乜，銀行無晒錢但又可以食咁貴。」、「我而家係聽佢曬命定聽佢訴苦？」等。

Photo from YouTube@News On Net Programme

而面對網友的批評，Charlene本人就有連環出po反擊，見她有在限時動態貼出與朋友的對話截圖，當中其友人提到兩個人食一餐日本料理，埋單要5,000至6,000元，Charlene就藉此寸爆網民：「我想講依家食$2,000唔係高級餐廳囉！」、「我覺得中產以上嘅單身人士，應該唔敢喺網上post日常生活，其實我想講，我就算今日去啲要$2,000以上嘅餐廳，都坐到差唔多滿。」其後又有網民問她點解唔食譚仔慳錢？對此Charlene就回答：「因為喺屋企食唔使錢！」疑似是要解釋自己除了會去食上千元的一餐飯，亦會為慳錢而留在家中食飯。