游茛維離巢後考獲「四大牌照」誓要同吳浩康爭食？坦言：最重要可以養到頭家！

現年43歲的游茛維（一蚊Joe）早前在社交平台宣佈離巢，離開多年職場後他亦發奮考獲「四大牌照」希望爭強競爭力。而近日他接受訪問時就有談及其入行多年來的辛酸史，大呻疫情期間曾無公開要靠老婆擔起頭家，令其感受到了真正的男人之苦！

Photo from IG@1masterjoe

游茛維（一蚊Joe）早前宣佈離巢，早在2006年他經節目受陳志雲賞識加入舊公司，一做便做了18年，期間曾續約3次。不過他就提到：「疫情時共渡時艱被減薪一半，月薪得返萬幾蚊後難以上調，最後過檔邵氏搵新路向，希望借助邵氏『光環』繼續生存，但最後都係事與願遺，倒不如外闖。」

Photo from IG@1masterjoe

Photo from IG@1masterjoe

而最終游茛維就在今年2月宣佈離巢，更在其後進取地考齊地產、地盤、保安、保險「四大牌照」，在短時間內已轉戰保險界「頂住先」。另外游茛維亦揚言不介意和吳浩康爭食做地盤真漢子，深知目前市道不太理想並坦言：「希望大家都畀個機會，最重要可以養到頭家！」

Photo from IG@1masterjoe

游茛維完全不怕捱苦，皆因他稱在疫情期間經歷過最坎坷的一段日子︰「我哋一家5口冇嘢做，喺屋企你眼望我眼，嗰時擔心到問自己『點算好？』加上收入唔多養唔起成頭家，只好靠從事投資銀行嘅老婆頂住，有次太太好攰返到屋企不經意話『好攰呀，幾時輪到你？』其實我都好想出返啲力，自問係實幹型，做嘢從來係超額完成，只係唔夠靚仔，人脈唔夠，咁自己錯係邊呢？奈何個市又唔好，呢啲變咗係男人之苦。」

Photo from IG@1masterjoe

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）