李佳芯被指「吊高嚟賣」 獲三大娛樂公司天價搶人 密友爆1原因影響選擇！

現年42歲的李佳芯（Ali）今年年初離開前公司回復自由身，早前她更是宣布自組「李佳芯工作室」，重新出發親力親為接洽工作。不過近日就有媒體爆料指李佳芯原來有獲三大娛樂公司睇中，更以天價搶人，不過Ali卻一直未有定案疑似決定「吊高嚟賣」？！

Photo from IG@aliaime

李佳芯（Ali）恢復自由身後，早前宣布自組工作室升呢做老闆，兼任經理人親自接洽工作。而見她最近亦有密密出席商演，曝光率不減反增，當被問及去向時她就有表示已跟不同公司會面，當中就包括古天樂的公司，Ali更大爆會面期間雙方都釋出最大的誠意，不過目前就仍然傾談階段。

Photo from IG@aliaime

Photo from IG@aliaime

而近日就有傳媒爆料，指原來除古天樂的公司外，ViuTV、HOYTV及一些娛樂公司亦加入搶Ali戰團。當中Ali密友又向傳媒透露：「3大公司為奪得美人歸，其中一間就開出7位數字嘅加盟費，再加6位數字嘅包月薪制，想以銀彈攻陷Ali。另外，有公司更承諾過檔後，保證佢坐一姐之位，又講明兩年最少開3套劇集俾佢，全部都係做女一，同埋Ali仲有話事權揀拍檔，自由度極高。」

Photo from IG@aliaime

Photo from IG@aliaime

然而儘管各大娛樂公司開出的條件極優厚，不過就亦未能成功打動Ali立刻簽約，密友指出一切皆因Ali在前公司的雪藏經歷造成了她的陰影，以致她今次在選擇公司時特別嚴謹：「除咗睇錢，佢同身邊人講要有自由度、有權話事，一定唔會再簽『長命約』喎。其實，有一間娛樂公司提出的條件，Ali都有啲心動，但眼見咁多間公司都向佢招手，女神當然吊高嚟賣，心中有數唔使急慢慢諗！」

Photo from IG@aliaime

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）