黃澤鋒老婆高齡懷孕惹熱議鄧兆尊承諾包一年奶粉錢網友嘲：以為係養佢一世㖭！

By Macy Sun on 15 May 2025

Digital Editor

藝人黃澤鋒日前宣布58歲太太陳麗麗接受人工受孕，成功再度懷上第二胎，引起網友熱烈討論。而近日鄧兆尊在網台節目《娛樂好好玩》中亦有談及事件，直言自己與黃澤鋒夫妻好熟，並豪氣承諾作為「Uncle」，會包起BB頭一年的奶粉錢？！

前情：黃澤鋒58歲老婆人工受孕花費六位數打過百針保胎：成個肚皮都黑曬！

Photo from IG@briancfwong

近日鄧兆尊、江美儀、吳家樂等人在網台節目《娛樂好好玩》中，就黃澤鋒老婆高齡懷孕一事進行討論。期間江美儀就談起陳麗麗高齡仍堅持造人的原因，指雖然兩人解釋是為了幫大女「小黃妃」圓夢，但自己推測兩人其實是就想讓女兒「小黃妃」能多一個依靠：「佢知道佢兩個可能喺（女兒）唔係好年紀大嗰陣已經要走，如果剩返一個女會好孤單，所以先會想快啲生多個女出嚟，到時候兩姊妹有個伴！」不過就被鄧兆尊反駁指：「兩姊妹有個伴都冇用，都好細過咋喎！」

Photo from YouTube@娛樂好好玩

Photo from IG@briancfwong

而對於不少網民擔心黃澤鋒夫婦二人年紀大，將來難以照顧小朋友一事，鄧兆尊就認為無需過於擔心，指就算黃澤鋒夫婦未必能一直照顧兩位小朋友到長大，身邊仍有不少親朋好友願意伸出援手。自稱與黃澤鋒夫婦「好熟」的鄧兆尊更揚言作為「Uncle」的他在有需要時候一定會出一分力，甚至豪氣地說：「頭一年奶粉錢我嘅！」

Photo from YouTube@娛樂好好玩

鄧兆尊一番豪言引來在場眾人起哄，江美儀更是立刻叫在場各位見證：「兆尊收契女，話有咩會（負責）…」，不過就遭鄧兆尊即時否認：「唔係收契女，頭一年奶粉我嘅！即係如果你成功得咗，呢樣我出唔緊要，大家咁好兄弟！」。而一眾網友就對鄧兆尊表示了質疑，紛紛留言：「咁豪，養到18歲啦」、「起碼養到讀完大學喇」、「以為係養佢一世㖭！」、「咁有錢但只出一年奶粉咁手低」等。