林峯演唱會遭20年忠粉大控訴千字文狠批舞台設計Hea到爆！周秀娜出場令人費解？

By Macy Sun on 23 May 2025

Digital Editor

林峯一連7場紅館演唱會《Go With The Flow》昨晚（22日）正式開鑼，林峯Chok爆登場上演連場勁歌聲舞，更請來陳慧琳以及周秀娜作嘉賓，演唱會被網民瘋狂洗版！不過當中卻有一名喜歡林峯20年的忠粉，在社交平台上嬲爆發長文狠批演唱會，不單對經典歌變成串燒歌感到失望，更直指舞台設計Hea到爆？！

林峯20年忠粉大控訴

Photo from 演唱會海報

Photo from Threads圖片

昨日（22日）有林峯粉絲在看完演唱會後，在Threads上發長文爆粗大吐苦水，直指對演唱會上經典歌變成串燒歌感到失望：「啱啱睇完林峯演唱會唔知邊X個智障諗出嚟將佢嗰啲經典歌變咗唱幾句嘅串燒好心就唱少幾首快歌直到你不找我，如果時間來到，反話，心呼吸得幾句我真係呆X咗」此外在舞台設計上樓主亦表示相當不滿，不但認為編舞設計不適合紅館四面台，更指出周秀娜作為特別嘉賓出場一段令其相當費解：「然後話說Let’s Get wet嗰度無啦啦周秀娜升咗上嚟我用咗半首歌嘅時間諗佢到底係邊個最尾先至有人話原來周秀娜 X那星佢又唔唱歌淨係想嚟扭兩嘢跟住又落返去做乜X 」

忠粉呻舞台設計Hea到爆

Photo from ViuTv截圖

帖文中看出樓主相當激動，並強調：「唔使換咁多costume啦慳返啲錢請過好啲嘅stage designer Hea到咁唔好同我講設計咗有冇心思睇得出」、「搞清楚林峯喺歌迷心目中係情歌王」、「我最鍾意嗰堆歌變X咗得幾分鐘」。另外，樓主亦提到澳門站演唱會竟然唱足所有慢歌，因此令作為十幾年忠實粉絲的自己覺得落差太大。

網友：好X失望咗成晚！

Photo from ViuTv截圖

而帖文上傳後，亦有不少網民深表認同指：「太多快歌有經典都變了串燒得幾句，所以大家覺得唔夠喉」、「今日坐黃區，老實講真係唔知睇左啲咩」、「好X失望咗成晚！」、「十幾年fans表示睇到發脾氣」、「我睇咗好多四面台個個都照顧得四邊好好今次真係極差」。不過亦有網友力撐林峯：「我覺得好好睇喎」、「都係想多舞台效果啫」、「係粉絲應該唔會介意～」等。