宣萱驚爆徐子珊近況親證一直有聯絡被問對方會否復出勁口密：可能佢想匿埋呢

By Macy Sun on 30 May 2025

Digital Editor

林峯一連七場紅館演唱會日前圓滿落幕，今次林峯與周秀娜在《Let’s Get Wet》一曲大跳辣身舞，令不少網民都憶起當年他與徐子珊熱舞的畫面。然而當被問及此事時，林峯就直指徐子珊是「失蹤人口」已斷聯絡，令不少網友失望。不過近日宣萱出席活動，究竟就爆出自己一直有與子珊聯絡，更揭露了對方的近況？！

林峯笑言徐子珊係「失蹤人口」

Photo from ViuTv截圖

Photo from Youtube截圖

徐子珊近年甚少露面，於2019年宣布暫別演藝事業，遠赴海外進修後，自此便消息寥寥，坊間有傳她目前正在歐洲生活，並且與圈中人鮮有聯絡。而日前林峯結束一連七場紅館演唱會後受訪時，就有被問及子珊近況，不過他就直言自己亦不清楚她的近況，就連吳卓羲也表示不知她現時身在何方，笑言徐子珊簡直是「失蹤人口」。

宣萱爆與徐子珊有聯絡

Photo from ViuTv圖片

Photo from 微博圖片

而正當一眾網友為此感到失望之際，知道子珊近況的人竟然出現！近日宣萱出席活動受訪時，被記者提到林峯指徐子珊是「失蹤人口」一事，她起初先是一臉愕然，其後就指自己原來與子珊一直有保持聯繫：「佢（林峯）唔知我同佢有聯絡嘅，因為我哋一齊做過旅遊節目，去非洲，所以我哋個group係有聯絡嘅。」

宣萱：可能佢想匿埋呢

Photo from ViuTv圖片

Photo from 微博圖片

至於被問到子珊會否復出，宣萱就拒絕代為回應：「我唔講啦！因為可能佢想匿埋呢，我唔知呀，唔好講咁多啦。」其後她又話鋒一轉透露徐子珊即使已淡出娛樂圈，但仍有keep住做好身型管理：「我係好鍾意同佢食飯嘅，佢乜都唔食，好有self control（自我控制），坐喺佢隔籬你會食得冇咁多囉！」

網友：徐子珊可能連宣萱都Block埋

Photo from 微博圖片

宣萱這次回應亦引起網民熱議，紛紛留言指：「宣萱講咗出嚟子珊可能會連宣萱都block埋」、「宣萱講嘅嘢最多只係證明咗佢仲在世有人聯絡到其實都冇講d咩反而仲叫人唔好再問」、「其實宣萱都只係話有聯絡，都係問近排點對方覆都ok，未必真係好深交」、「咁宜家有宣萱交代吓，知道佢一切安好咪幾好，唔想做娛樂圈咪唔做，雖然大家應該好想佢更新吓近況」等。