鄭中基離婚傳贍養費只畀8000蚊余思敏閨蜜揭真相澄清好友當年「第三者」傳聞！

By Macy Sun on 02 Jun 2025

Digital Editor

鄭中基早前被媒體拍到現身灣仔家事法庭參與閉門聆訊，被爆疑似正與太太余思敏辦理離婚手續。事後又有報導傳出原來余思敏早已決定離婚，更曾向友人大呻男方贍養費出手低，每月只肯付8,000蚊。對此余思敏好友黃芳雯及鄭文昨日（1日）受訪就有談及好友近況，揭露了不少兩人關係的內幕！

閨蜜透露余思敏近況

Photo from 網上圖片

Photo from HOY電視截圖

黃芳雯與鄭文昨日（1日）出席活動接受媒體採訪，期間被問及早前好友余思敏傳出與鄭中基離婚一事。對此兩人就有透露好友近況：「我哋上個星期一齊衝出香港，去咗深圳玩，一齊食吓嘢啊，揼吓骨啊咁都幾開心。（即係佢心情都ok？）佢同我哋一齊嘅時候我哋就見到佢係ok嘅，咁因為始終佢主要嘅生活都係圍繞住兩個細路，佢都真係好親力親為照顧佢哋，即係車出車入、返學放學、補習、興趣班，全部都係佢一手包辦。」，並透露余思敏仍然與一對仔女同住。

揭鄭中基8000元贍養費真相？

Photo from IG圖片

其後她們就有被問到早前有報道指鄭中基與余思敏離婚，要收回兩個小朋友的撫養權以及只付8000元贍養費予余思敏一事，她們就均表示報道出街後才知道。黃芳雯就笑指：「我諗緊8000蚊畀我，我夠唔夠使。」更不知道如何傳出8000元贍養費，因為「唔能夠透露」，余思敏自己也不會說。至於被問到是否知道余思敏早前在上載的「地氈相」是什麼意思時，她們亦均表示不知道，而余思敏亦沒有跟她們說：「我真係唔敢問啊！」

閨蜜心痛余思敏被屈做「第三者」

Photo from IG圖片

訪問中見兩人相當維護好友，亦對好友一直以來把所有事獨吞的性格感到痛心，當談到當年余思敏被指是「第三者」介入鄭中基與蔡卓妍的婚姻，她們更是直指「戥佢唔抵」，鄭文就為好友澄清：「有啲網民話佢當年係第三者，呢樣嘢我就絕對可以係一個人性同埋時間嘅證明，因為當年我係完全知道佢哋拍拖，佢哋喺係邊一個活動識，event係乜嘢活動我都記得！即係當年佢做MC，Ronald係嘉賓，係一個手提電話活動，我係記得好清楚。因為我同佢好熟，佢話畀我聽呢件事，而當時佢哋，Ronald當時應該係出哂記招離哂婚，即係已經完全完成咗㗎喇！係單身嘅！呢樣嘢我絕對能夠做一個人證！」，力證兩人是在鄭中基宣布離婚後才邂逅。