林作媽媽公開麥明詩BB正面樣挨轟 裕美爆內情：唔鍾意啲人借長輩上位！

麥明詩與老公盛勁為今年3月迎來愛子出世，他們雖不時有在社交平台分享喜悅，但就一直低調保護愛兒私隱，未有公開BB樣貌。怎料日前麥明詩帶BB見舊愛林作母親王莉妮，就被對方意外公開兒子正面樣，事後她受盡網民炮轟。而昨日（2日）林作現任女友裕美受訪時就有談及此事，爆出內情並怒轟是有人「借長輩上位」？！

前情：麥明詩BB正面樣搶先被林作媽公開 闖禍後急刪相補鑊 網友鬧爆：當正自己粒孫！

裕美指「有人」設局令王莉妮墮網？

Photo from IG@leenililywong

Photo from IG@leenililywong

林作現任女友裕美昨日（2日）接受訪問，談及早前王莉妮被指不尊重麥明詩搶先公開BB正面相一事，表示是有人設局讓王莉妮墮網：「據我了解其實係前度（麥明詩）意思，佢係咁微信Lily姐（王莉妮），猛咁游說Lily姐上契，做佢兒子個契媽，最初Lily姐睇完訊息都唔知點應對好，佢跟我同林作食飯時，曾展示有關訊息畀我哋睇，仲同林作講『唔知點推好！』其實同乜人做朋友係有自由，我哋冇意見，直到佢前度真係坐言起行話帶埋兒子出嚟，Lily姐推無可推。」怎料一見面便出事，王莉妮因一時興奮更不懂打格將BB正面照上傳IG，事後才意識不妥，急刪帖文並向林作求助。

裕美質疑麥明詩搵前度媽媽上契動機

Photo from IG@leenililywong

裕美又質疑麥明詩主動聯繫前男友母親認契的動機，直言其做法令人費解：「作為前度，搵前度阿媽上契，呢件事本身就有問題，有病嘅人先會諗到咁嘅嘢！」她認為王莉妮只是出於禮貌，不懂拒絕，不知處境尷尬，亦沒想到會衍生更多麻煩，被外界誤解為「恨抱孫」、「好鍾意前度」，間接否定林作現有的感情關係：「件事發生後，好多人訊息我，話我不受尊重，我真係有啲忟憎！」而裕美亦強調王莉妮並非網民所說急於抱孫，只是長輩客氣未考慮後果。

裕美：唔鍾意啲人借人上位！

Photo from IG@leenililywong

Photo from IG@leenililywong

裕美補充：「成件事加埋目的都好奇怪，涉及身份又『騎呢』，一個人前度搵你，仲話將個仔上契，係佢做主導，點知搞到畀人誤會係Lily姐意願，好心唔好搞到諗嘢正常嘅人啦，連林作都同我講『成件事好戇居，佢阿媽鍾意點就點，唔好煩到佢。』」最後裕美又重申：「我所講係事實，有乜講乜，我冇怪責Lily姐，純粹係對事不對人，我呢行咁耐唔鍾意啲人借人上位，見到就火滾，但娛樂圈就係咁。」

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）