十大中文金曲｜C君老婆黃天頤講錯馮允謙得獎歌名 咁樣「自罰」表悔意 獲本尊窩心安慰！

農夫C君的老婆黃天頤在香港電台擔任DJ多年，日前她擔任《第46屆十大中文金曲頒獎音樂會》司儀，怎料竟突然發台瘟誤將馮允謙(Jay Fung)得獎歌《會再見的》說錯成一首21年前紅極一時的歌曲！事後她相當內疚，作晚更是決定咁樣「自罰」表悔意！

黃天頤口誤講錯馮允謙得獎歌名

Photo from 節目截圖

Photo from 節目截圖

馮允謙(Jay Fung)在日前《第46屆十大中文金曲頒獎音樂會》中成為大嬴家，整晚奪得「CASH最佳創作歌手獎」金獎、第八首「十大中文金曲獎」、「全球華人至尊金曲獎」以及「優秀流行歌手大獎」多個大獎！然而就在他被邀請演繹得獎歌曲《會再見的》時主持黃天頤，竟然將歌名讀錯為2001年發行由許志安及車婉婉主唱的《會過去的》！

黃天頤事後極內疚

Photo from IG@tinyeewong

Photo from IG@tinyeewong

事後她昨晚就在社交平台分享與C君撐枱腳慶祝拍拖11周年的照片，不過就似因口誤事件情緒有點低落：「噚日係拍拖11周年，其實我唔記得，俾個叻C君。不過大家都開工，俾多個叻C叔book咗枱今晚食飯。原本佢仲話順便幫我慶功做完金曲，但我話無嘢值得慶功，因為我頒完3首金曲之後tag番轉頭Jay Fung唱《會再見的》做《會過去的》！！！當時我仲好流暢講完我腦入面嘅tag自信滿滿行入後台，因為我連自己講錯都唔知...... 同事話你講錯咗，我當時嘅反應係：咁我講咗咩？！當時我掛住做下一part同更正番都未識羞恥，係到今朝瞓醒喺床度諗起直頭晴天霹靂。」

黃天頤自我罰抄賠罪

Photo from IG@tinyeewong

Photo from IG@tinyeewong

她亦透露其實自己當天已向Jay Fung道歉，對方未有介意反而安慰她，不過她自己為表歉意仍決定自我罰抄100次「會再見的」賠罪：「Jay Fung BB係完全無介意過嘅，我同佢say sorry，佢有安慰我，佢都會唔記得自己啲歌名，暖男。但我喺今日節目度話要抄100次個歌名，結果去食飯前我抄咗喇，奉上美食與罰抄圖。好似溫完書覺得自己一定得，但原來答錯嘅感覺。C叔安慰我，佢做隔籬台頒獎禮試過未頒獎講完個tag就講byebye。我安慰自己好在唔係宣布結果時講錯，今次真係會過去的，會再見的，最好笑係《會過去的》都曾經攞過金曲獎。」而Jay Fung亦有即時在帖文留言安慰︰「請不要難過！我們有時都會不小心犯錯，因為我們都是人類，振作起來吧﹗」果然是窩心暖男。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）