日本男演員！小鮮肉山崎賢人～從漫畫跳出來的日本男神！

今次要同大家介紹嘅係日劇界男神-山崎賢人！點解叫2.5次元男神呢？因為佢年紀輕輕就已經多次主演少女漫畫真人版電影！
94年出生嘅佢到依家已經參演／主演超過15套電影～佢嘅演技亦都備受肯定～
而且佢主演嘅漫畫改編電影大部分都係美少男角色～真係流曬口水呀～～
係2015及2016年仲被《ViVi雜誌》評選為「國寶級帥哥男明星第一名」！唔知你又最中意佢邊套漫畫改編嘅電影呢？小編就私心揀左四套佢嘅代表作～

《鄰居♥同居》- 久我山柊聖

呢套都算係公認山崎賢人嘅代表作啦～入面佢飾演嘅久我山柊聖係學校入面嘅男神～
佢本來係女主角小葵嘅鄰居，但因為意外所以搞到被逼同女主角同居～
呢套戲可以見到男女主角好多同居但又鬥氣嘅浪漫曖昧劇情～正呀～

Photo from L♥DK

《女主角失格》- 寺坂利太

《女主角失格》係山崎賢人兩年前嘅作品～
入面山賢人飾演嘅男主角利太同女主角羽鳥係青梅竹馬嘅朋友～
但其實羽鳥一直暗戀左佢好耐～而且知道利太有左女朋友之後仲好深深嘅妒忌～
呢啲三角關係雖然有啲老套～但係有靚仔睇小編都好受落呀～

Photo from ヒロイン失格

《狼少女和黑王子》- 佐田恭也

狼少女和黑王子本身已經係好受歡迎嘅少女漫畫～所以搵山崎賢人黎主演一啲都唔意外呀！
佢飾演嘅佐田恭也係學校入面係霸道「王子」～ 劇情講述佢為左幫女主角圓謊就假扮係佢男朋友！
但成日要求女主角幫佢做好多野～由鬥氣漸漸有左好感～
好浪漫呀！

Photo from オオカミ少女と黒王子

《一週的朋友》-長谷祐樹

呢套《一週的朋友》係香港5月岩岩先上映～所以大家應該都唔會陌生啦～
劇情真係好虐心啊～女主角藤宮香織只得一個星期嘅記憶～但男主角祐樹一直都無放棄同佢做朋友！
但亦都因為香織得一個星期嘅記憶而令佢地受好多挫折～好慘啊～
不過都好彩山崎賢人終於唔係做蝦蝦霸霸嘅角色了～

Photo from 一週間フレンズ。

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載