丁丁被指「唔得女性歡心」網友熱討反應兩極：一睇就知係極品綠茶！

丁彥均（丁丁）年初被爆疑似偷食老闆混血肥仔導致形象大插水，事後丁丁開腔澄清並宣布將暫停幕前活動。不過近日丁丁又被越南網紅拍到與混血肥仔同遊當地，再度引起關注，於是日前就有網友在社交平台發文再次討論丁丁，指其「唔得女性歡心」，引起熱議！

前情：混血肥仔與丁丁同遊越南被捕獲 網紅拍片意外攝鏡斷正 本尊火速回應！

網友熱議丁丁「唔得女性歡心」

Photo from YouTube@ 越南 酒哥

Photo from 影片截圖

丁丁日前意外被越南YouTuber拍到與混血肥仔同遊越南，事後混血肥仔火速澄清與丁丁並非單獨出國。至於丁丁就有出IG story交代真相，指是次出遊是為拍片，更感謝混血肥仔及兩位朋友的全程幫忙。而連串事件亦令丁丁再度受到關注，近日就有網友於Threads上以「想問男人點睇丁丁，呢一種女人。我之前覺得佢靚，但啲女同事都好似唔太鍾意佢」為題發文，詢問廣大網友對丁丁的意見。

丁丁被狠批相當一般

Photo from IG圖片

Photo from IG圖片

Photo from IG圖片

帖文引來大批網友留言，部分網友就狠批丁丁相當一般：「唔識佢，但感覺嗰種靚好刻意，係佢覺得自己好靚嗰種」、「邊有大婆會鍾意小三吖」、「未到過目不忘，又唔算特別，冇咩個人特色」、「佢呢啲一睇就知係極品綠茶」等。亦有網友坦白道出「女人天性」：「當你問一個女人，問佢嗰個女人靚唔靚？無論事實係點樣，佢都一定答你唔靚」、「女人永遠都唔會讚女人靚」。

丁丁獲讚：清純殺傷力係最大

Photo from IG圖片

Photo from IG圖片

Photo from IG圖片

同時亦有另一部分網友反駁指丁丁其實唔差：「其實算係香港top 10？ 佢好似唔使化妝都差唔多樣個種 啲仔會鍾意呢type」、「我係女但都覺得佢真心靚 又白又瘦又有腳」、「佢清純嘅面孔加楚楚可憐弱不禁風嘅外表係殺傷力係最大！」、「客觀啲講，個越南youtuber拍拍下片見到路過嘅丁丁都話佢靚，就知丁丁係真係靚 人地先咁反應」等。不過始終每個人對任何事都會有不同意見，還請各位讀者自行解讀～

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）