五索公開馬清鏗私密片段爆私下係「絕世好爸」一事嬲足對方七年：爭我一句道歉！

By Macy Sun on 16 Jun 2025

Digital Editor

現年34歲的「五索」鍾睿心與66歲的大生銀行主席馬清鏗拍拖9年並育有4名子女，近年愈愛愈高調，不避嫌公開多條影片分享與馬生的甜蜜生活點滴。而適逢昨日（15日）父親節，她又在社交平台上載馬生的絕密湊仔片段，大讚對方是一位「絕世好爸」，但又爆自己因一事嬲足對方七年？！

五索公開馬清鏗私密片段

View this post on Instagram

A post shared by Ng Sok 五索 (@5kidsokma)

「最強小三」五索昨日（15）適逢父親節，在IG上傳了馬清鏗的絕密湊仔片段。片中五索稱馬生絕對是一個「超級直男」，「日日奪命追魂call，我好多時候俾佢激到反晒白眼，唯獨有一樣嘢，我係特別感激佢，就係佢係一個一等一嘅好爸爸。」五索更是大讚馬生多年來都沒有發過小朋友1秒鐘脾氣，在照顧小朋友方面更是「由餵奶、換片、氹佢哋瞓覺，佢都係親自落手落腳」，而片中亦見馬生除親自下廚，又會陪小朋友騎膊馬、氹瞓覺、餵奶，絕對是個「廿四孝」爸爸！

五索爆因一事嬲足馬清鏗七年

Photo from IG@5kidsokma

不過在片段尾聲，五索就突然自爆因一件事嬲足馬生七年，並要求對方道歉：「你仲爭我一句道歉，呢件事我足足嬲咗七年，七年前我好努力渣出嚟嗰啲奶，我渣咗兩個鐘，但係你一個唔覺意就倒瀉晒成支奶，仲同我講話因為你好攰，仲想點？咁其實你係應該同我道歉囉，因為你永遠都唔會明白，渣奶係幾咁辛苦嘅一件事。」

網友：五索係咪已經坐正咗？

Photo from IG@5kidsokma

片段上傳後不少網友都大讚五索與馬生相處極甜蜜，亦認證馬生絕對是個好爸爸：「睇片真係覺得...你地其實係真愛」、「你同馬生好sweet」、「肯湊仔肯陪佢哋，已經係非常好的爸爸，五索好幸福呀」等。不過同時亦有網友提起馬生正室，認為五索高調放閃似乎早已「當正室冇到」：「係咪已經唔使理佢老婆坐正咗？」、「唔知老婆見到會點不過個大婆又真係堅低調，神龍見首唔見尾，所以真係唔講呢，仲以為五索先係坐正嗰個」、「越來越高調，唔通好快坐正？正印馬太好慘」等。