直擊最新即磨栗子蓉雪糕蜜瓜包～元朗限定 私心推介紫薯蕃薯雪糕口味！真係薯味濃～同熱烘烘嘅蜜瓜包冰火交融超夾！

蜜瓜包係日本麵包店必定會有嘅野，而同時係日本人嘅最愛～同菠蘿包同出一徹都係唔關個蜜瓜事，只係外型好似同蜜瓜有相似而因此命名！係日本用蜜瓜包夾住個雪糕賣到深受一眾架仔架妹歡迎係今年黎到香港！而每一間分店原來都有自己嘅分店限定，今次小編就帶大家黎到元朗嘅分店試試佢嘅限定喇！

Photo from Presslogic

Photo from Presslogic
蜜瓜包真係小編嘅最愛啊～出面一層焗得超香脆有陣陣牛油香，而入面就超級鬆軟，唔係坊間嘅空氣包～加埋雪糕真係perfect池～依家有咁多味，真係完全揀唔落手！

店舖原來跟足日本嘅配方去整個蜜瓜包，又發酵到焗都係每日新鮮做嫁！唔怪之得個質感食落真係同日本差唔多～可以解一解我思鄉嘅愁緒～
Photo from Presslogic

Photo from Presslogic

最新會推出栗子蓉北海道牛乳雪糕蜜瓜包 ($50)
係店舖限定嫁，係最新最新一款黎！小編同你獨家報道～～～話說係主理嘅姨姨知秋風起，又去到食栗子嘅季節而構思出黎嘅～每一個都份量十足！係加左超多栗子蓉～每一口都會食到粒粒嘅質感，加上雲呢拿雪糕就剛剛好！可以平衡番個味道，唔會搶左主角鏡～而且栗子唔會太甜，真係做到剛剛好！
Photo from Presslogic

原條日本蜜瓜雪糕蜜瓜包 ($68)
呢款真係蜜瓜控必嗌啊！蜜瓜蜜瓜同蜜瓜～蜜瓜包夾住有香濃蜜瓜味嘅雪糕再加上一整條雪凍左嘅日本蜜瓜～真係大滿足啊！不過有敏感牙齒嘅朋友要注意，條蜜瓜雪凍左真係好凍嫁～超透心涼啊！而烘得熱熱嘅蜜瓜包夾住果味濃郁嘅蜜瓜雪糕真係有冰火交融嘅感覺！係一等嘅享受～
Photo from Presslogic

Photo from Presslogic

另外超人氣一定係呢款，由於材料有限所以呢款係每日賣完就無！想食一定要做啲黎試啊～
日本紫薯配蕃薯雪糕蜜瓜包($48)
首先係每一日用新鮮買番黎嘅紫薯自家煮成嘅，唔會太甜，但真係好重薯香！而且份量真係超級多，係重量級嘅紫薯啊！再加上蕃薯雪糕又將個薯味變得更有層次更加濃郁，無半點嘅死甜，真係勁好食！如果係鍾意紫薯嘅真係一定一定唔可以錯過嫁！而蜜瓜包真係做到外層脆身 有超重嘅牛油香～
Photo from Presslogic

Photo from Presslogic

芝士芥末醬脆雞蜜瓜包 ($58)
除左凍食都仲有熱食嫁！唔怕唔鍾意甜品嘅男朋友仔會無選擇！同樣係熱辣辣整起～夾住大大份雞扒啊，唔好睇佢好似好乾咁～佢係做到皮脆肉嫩嘅質感！咬開仲要超juicy啊！上面淋上開胃酸酸甜甜嘅芥末醬，再舖上整塊芝士，用火槍整到佢變成半溶芝士！嘩～真係超惹味！
Photo from Presslogic

Photo from Presslogic

而黎緊就襯住萬聖節會有一系列應節嘅蜜瓜包
WEWA鬼雪糕蜜瓜包 ($46)
呢個係用左蜜瓜包夾住雲呢拿雪糕，上面淋上扮血嘅紅莓醬！神奇地令到食落去食個雪糕變左士多啤梨味！而上面放上兩粒超有咬口嘅眼睛啫喱糖！食落去好多口感啊～
Photo from Presslogic

世界第2好味雪糕蜜瓜麵包
地址：元朗又新街38號恆富大廈地下10A鋪
營業時間：星期一至日 11:00-23:30

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載