姜濤親述墮海經過純屬意外認曾服止痛藥飲酒：跌落水先知出事！

By Macy Sun on 26 Jun 2025

Digital Editor

男團MIRROR成員姜濤日前在西環意外墮海，當時他被救起時仍然清醒，其後送院救治，幸無大礙後出院。事件引來外間極多猜測，而昨晚（25日）姜濤亦終於首度公開現身交代事件，親述墮海經過純屬意外，承認曾服藥飲酒，並否認自己是借酒消愁！

前情：姜濤墮海｜林作逐點分析真相質疑「運動失足」論：呢個高度冇可能係「墮」？！

姜濤交代身體狀況

姜濤為飛法國出席巴黎時裝周昨晚（25日）現身機場，並於上機前短暫會晤傳媒交代墮海事件。姜濤先交代身體狀況，表示：「醫生Check過一切都冇事，唔使擔心，我覺得身體冇大礙，係手部有少少受傷，而醫生批准咗我，所以今日如常工作，其實公司建議我休息，但係出面有好多謠言同猜測，唔出嚟會有好多事，所以我出嚟話俾大家知，我係冇事，我嘅意願都係想出嚟做嘢。」

姜濤親述墮海經過

Photo from ViuTv截圖

至於墮海事發經過，姜濤就指事件純屬意外：「噚日天氣好好，跑步嗰陣想坐喺海邊睇吓夕陽；由於有少少唔舒服，咪挨喺欄桿唞吓，點知做咗個唔好嘅示範，跨咗出去欄杆，我見平時都有人會喺欄杆出面釣魚，點知諗住起身返入去有少少暈就跣咗一下，係好意外嘅事，係第一次，亦都係最後一次，希望大家唔好學，欄杆係有佢功效，我跌落水先知『嘩，咩事呀？』」

姜濤認有服藥飲酒

Photo from IG圖片

而有傳事發前姜濤曾飲酒和吃藥，對此他就認有其事：「我食咗少少止痛藥，因為頭好痛，亦都飲咗少少酒，我諗唔係最大因素，最大因素係我唔小心。情緒冇事，我諗大家太擔心我，朋友、粉絲不嬲都擔心我。」姜濤更否認有借酒消愁：「我好少會咁樣，我唔會用呢啲方法消愁。」

姜濤透露自己本身懂游泳

Photo from IG圖片

另外姜濤亦透露自己本身懂游泳，但由於太久沒游，加上事出突然，所以有點慌張。他更感激所有救回他上岸的救護人員，並有向公眾道歉：「我好抱歉因為呢件事佔用咗好多公共資源。」姜濤更稱此舉也嚇壞父母，亦已向他們解釋。

姜濤解釋見面會取消原因

View this post on Instagram

A post shared by KEUNG TO 姜濤 (@keung_show)

至於本應在昨午舉行《呂濤米Lo Seoul》旅友旅途分享會被突然取消，延後舉行並改為與粉絲合照一事，姜濤就有解釋是公司不願幾位藝人太辛苦，但他與Anson Lo（盧瀚霆）、Edan（呂爵安）和Jeremy（李駿傑）又覺得，既然到達場館亦不想粉絲失望，決定無論如何都要跟粉絲見面，於是另擇日子舉行活動。他更透露已獲公司批准放假，並感謝大家關心。