陳凱琳推$228媽咪麵杜拜朱古力 Foodie嗌難食狠批係「廚餘級」？！

By Macy Sun on 11 Jul 2025

Digital Editor

陳凱琳近年成功轉型成KOL，更有創立自家朱古力品牌，而近日其品牌更是與媽咪麵及插畫家聯乘推出新品，將即食麵加入近期大Hit的杜拜朱古力當中。只是近日有一位KOL大陳試食完後，竟大彈朱古力難食是「廚餘級」，更即場把朱古力掉落垃圾桶？！

陳凱琳推$228媽咪麵杜拜朱古力

View this post on Instagram

A post shared by 𝘨𝘳𝘢𝘤𝘦 ♥ 陳凱琳 (@ghlchan)

陳凱琳自家朱古力品牌早前推出一款價值$228的媽咪麵杜拜朱古力，為宣傳新品她就有不斷做生招牌進行宣傳，狂拍街訪片之餘，又去Pop-up store助陣，她試食時表情非常誇張，大讚：「好crazy呀！超吸引呀！」、「唔～～～我又再次記得我點解咁鍾意呢隻味！完全好有信心大家一定會鍾意食！」，更請來不少美食KOL幫忙宣傳向大眾宣傳新品。

Foodie狠批陳凱琳朱古力係「廚餘級」

View this post on Instagram

A post shared by 誠實食評師大陳 (@taichanfoodfuker)

而近日一位Foodie「誠實食評師大陳」出於好奇就有買來朱古力進行實測試味，怎料朱古力就似不太合其口味，令他不禁狂踩朱古力難食，更在影片中當場將它掉落垃圾桶，怒指：「大中伏！陳凱琳228蚊朱古力 Dulce Vida! 大中伏！終極智商稅！智力障礙媽咪面Crossover！廚餘級數朱古力！」他更有在標題批評收錢力推這個朱古力的Foodie催眠大眾。

Foodie極嬲捏爛陳凱琳品牌新品

Photo from Youtube截圖

就大陳的影片中見，他有試食陳凱琳品牌$38的媽咪麵開心果麻糬撻以及$228的開心果媽咪麵黑朱古力。對於媽咪麵開心果麻糬撻，他就指將媽咪麵加上開心果麻糬撻，「搞到好似廚餘咁樣」，而黑色撻皮就「好似燶咗」，深綠色的醬好似坑渠水。除批評外表以外，大陳食完一啖就繼續狠批口感：「將啲又軟又硬又唔夾嘅嘢撈埋一齊，好似將食剩嘅嘢合埋一齊」，並指食到「無名火起」於是將撻捏爛！

Foodie即場將陳凱琳朱古力掉落垃圾桶

Photo from Youtube截圖

至於陳凱琳以及不少KOL狂推的媽咪麵杜拜朱古力，大陳就介紹它為「上等人朱古力」，試食後又繼續大鬧開心果、媽咪麵以及黑朱古力完全唔夾，即使多加媽咪麵亦不覺得好食！而最後大陳亦沒有吃光所有食物，便憤怒將食物全掉進垃圾桶，指是「送返去應該去嘅地方」，並批評：「可能你話佢主打創新，創新一定有失誤，哎呀！你有冇用個腦㗎？呢啲嘢都溝嚟畀人食，你自己冇試過咩？」，態度相當強烈！