【專欄分享：厘米小姐】台北呃Like手沖飲品店 凡爾賽玫瑰牛奶 超靚啊！

今次旅行淨係準備左幾個有特色嘅咖啡店去潮下聖。講到台北呢排最多人呃like 嘅小店，我諗一定有佢在內啦！

雖然佢店鋪細細，但裝潢設計一啲都唔馬虎。全店裝潢主要以粉色同白色為主，其他嘅擺設就以木系同雲石為主，感覺簡潔時尚！

呢間店除左靚之外，老闆仲堅持每一杯飲品都要人手沖製。

店鋪最出名嘅就係凡爾賽玫瑰牛奶3款口味分別是抹茶、芒果同草莓，上面分別放上綠色、黃色同粉紅色的蛋白霜，令成杯飲品睇起來超夢幻呀！

雨田先生手沖飲品吧所有飲品都係手沖，當然凡爾賽玫瑰牛奶都不會例外，凡爾賽玫瑰抹茶牛奶係老闆用茶筅刷出來，牛奶都係手打起泡嫁，十分有誠意！

最上層嘅蛋白霜是檸檬口味，建議喝完後再吃它。

特別介紹「雨田先生（特調黑咖啡）」，係用左可可豆殼同咖啡豆依比例一起研磨成粉，之後再手沖。一般可可豆殼就跟茶一樣可以沖泡來喝，但老闆覺得有香氣但沒有厚度，於是就將咖啡加入增加厚度。
聞落去有可可嘅香，飲落去又有咖啡嘅濃。真係非常特別！

《雨田先生手沖飲品吧》
地址：地址：台北市大安區忠孝東路四段223巷69號