方力申個唱曬超聲波相公佈BB性別 公開與老婆葉萱對話：真係接受唔到啊！

現年45歲的方力申今年情人節宣布與31歲圈外女友葉萱（Maple）結婚，其後又於上月父親節自爆將成為人父喜上加喜。而日前他在佛山舉行個唱時，又有在台上發放喜訊，即場大曬超聲波相公佈BB性別，然而卻竟大叫：「我真係接受唔到啊！」？

方力申個唱公佈BB性別

Photo from 小紅書圖片

Photo from 小紅書圖片

Photo from 小紅書圖片

方力申日前到佛山舉行個唱，途中就大方曬出老婆葉萱超聲波相，並以刺破氣球方式揭曉BB性別！最終氣球刺破後，即冒出多個粉紅小氣球，寓意即將出生的孩子是女兒。方力申更有放了當時與太太葉萱的對話聲帶，畫面是胎兒的照聲波照片，聽到他不斷說「冇可能、冇理由、我冇理由估錯㗎！」而太太則回應「我都冇出過聲」，方力申再次問「真係㗎？」

方力申：真係接受唔到啊！

Photo from IG圖片

其後方力申又激動地表示：「我直情係接受唔到呢個現實，我當時我全晚都係話仔嚟㗎，冇可能係女嚟㗎，我真係接受唔到啊，對我衝擊太大啦！」並有點難以置信地表示：「哎吔，又畀人估中咗，我係外父啊！」然後指太太：「你真係好好戲喎，點解咁好戲嘅？」。方力申在會場上亦直言：「講真，我到到今日，我都仲未好肯定佢係真係女嚟嘅，所以呢月尾呢，我陪佢去照個結構，睇吓有冇嘢凸出嚟先！」又指下一站演唱會再跟歌迷確定，屆時更會說出如果是兒子或女兒會改甚麼名字。

方力申認生仔生女會有差別待遇

Photo from 小紅書圖片

Photo from 小紅書圖片

另外方力申亦透露自己對生仔生女會有差別待遇：「如果係仔呢，佢好大壓力，因為我一定要佢練游水啦，一定要佢好有禮貌啦，好誠實啦，即係好生性啦！」如果是女兒，方力申就笑稱自己應該壓力會很大：「即係我想我長命啲啦，我想我Fit啲啦，想有好似關智斌（嘉賓）嘅腹肌啦，即係我想保護佢啦，我想佢拖住我嘅時候，覺得我老竇仲係好有型啦，所以我嘅壓力好大」

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）