超吸睛大氣球主題，享受「高空」下午茶～史上最強鬆餅外層酥脆、內層鬆軟～超高質甜鹹點各有千秋！好味到停唔到口！

香港置地文華東方酒店嘅MO Bar就最新推出左Air Floating下午茶～兩層總廚精心設計嘅甜鹹點，上面連住一個超大氣球！高貴得黎又帶點玩味，造型真係超靚超吸睛啊！一定要約閨蜜一齊去，可以盡情幻想自己係半空食個下午茶～

Photo from Presslogic
係中環嘅MO Bar嘅下午茶一直都以創新同色香味俱全而聞名～環境高貴得黎帶點時尚同舒適感～
Photo from Presslogic

Photo from Presslogic

之前除左同好多時尚嘅品牌合作，佢地嘅主廚仲係創意爆棚，會超有心思去設計一系列主題嘅茶點，除左外型超級可愛之外，小編試過仲真係好好味嫁！一定要介紹比大家～

今次佢地就以氣球作為主題推出最新嘅「氣球下午茶」上面嘅氣球會係超搶眼紅色又或者係帶點高貴嘅白金色～真係就咁睇外形已經100分啊！Photo from Presslogic

Photo from Presslogic

由底層開始食起，下面一層係鹹點。總共有五款～口味唔單一，全部都係由佢地嘅總廚不停改良而得出嘅，所以真係款款都咁好味嫁！入面包括有炸雞墨汁漢堡、迷迭香鵝肝醬橘香啫喱、鹹牛肉車打芝士法包、煙三文魚芝士法式鹹批同尼斯田園番茄啫喱～Photo from Presslogic

小編大推迷迭香鵝肝醬橘香啫喱！好似出面嘅份子料理咁，圓圓嘅外型超精緻～而咬開陣陣鵝肝嘅香味，濃而不膩～再加上面頭加上少少嘅柚子作為點綴，帶點清香～真係好特別啊！

另外炸雞墨汁漢堡都超好味啊～墨汁麵包超鬆軟，中間夾住熱辣辣炸起嘅炸雞，香氣撲鼻。再加上日式燒烤醬，真係超香脆惹味啊～Photo from Presslogic

鹹牛肉車打芝士法包係烘脆嘅法包，釀入帶超重鹹香嘅鹹牛肉芝士，再加上面層燒香左嘅芝士好香好好味啊～

尼斯田園番茄啫喱會感覺會比較fresh，有清新嘅蔬菜口感！Photo from Presslogic

至於呢個好似迷你檸檬撻嘅造型其實係煙三文魚芝士法式鹹批～咬開入面係煙三文魚沙律，真係好creamy好好味！Photo from Presslogic

上面一層當然唔少得嘅係甜品師設計嘅甜點～有綠茶柚子熱氣球、紅桑子蛋糕、香橙黑朱古力、焦糖腰果泡芙同香檸薑杯～Photo from Presslogic

有旋風扇頁造型嘅係焦糖腰果泡芙～鬆軟嘅泡芙咬開有超濃郁嘅榛子朱古力漿爆出！仲有仲有，呢個香橙黑朱古力亦都係超香濃，而橙香正好適當地減去左朱古力嘅甜度。朱古力控一定對佢地一定愛不釋手～
Photo from Presslogic

小編最愛分別係綠茶柚子熱氣球同紅桑子蛋糕喇～超討喜嘅綠茶柚子熱氣球其實係綠茶朱古力配柚子慕絲金寶，上面金黃色波波咬開會有柚子漿係口入面爆開～超驚喜啊！而下面綠茶味道好濃郁，陣陣嘅茶香真係好好味呢～Photo from Presslogic

而紅桑子蛋糕食落係濕潤鬆軟感覺，食一啖好似會融化係其中咁～紅桑子帶酸甜味道，愈食會愈想食，停唔到口呢～

而香檸薑杯會好似慕絲質感，食完會仲開胃嫁～Photo from Presslogic

下午茶必有嘅鬆餅更加係佢地招牌！鬆餅雖然係下午茶必有嘅例牌，但真係好考功夫，好多下午茶就係敗係呢一環！Photo from Presslogic

好多坊間嘅鬆餅都係得個香字，食落會好硬身～MO Bar嘅鬆餅小編夠膽講真係全香港最好味～出面一層焗得呈金黃色帶酥脆口感，有好重嘅牛油香，而入面咬開係鬆軟質感，有多種層次！搽埋橘子、雜莓果醬同忌廉，真係好食到停唔到口～～Photo from Presslogic

除左可以揀JING Tea嘆下茶之外，飲品仲可以加錢試佢地signature嘅mocktail，叫QRC！係由雜莓、草莓、熱情果、青檸汁同薑汁汽水混製而成。飲落好似飲緊即榨士多啤梨汁咁，味道好清甜，岩哂女仔飲啊！
Photo from Presslogic

咁高質嘅high tea，做埋11月就無嫁喇～快啲約埋同閨蜜一齊黎啦！

香港置地文華東方酒店 MO Bar
地址：中環皇后大道中15號置地文華東方酒店大堂
訂座電話：2132 0077

「氣球下午茶」
供應日期：即日起至2017年11月30號
供應時間：
星期一至五 15:00～17:30
星期六、日 14:30～18:00
價錢：港幣598元（兩位用；另收加一服務費）

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載