黎緊冬天一班人就最岩恰下恰下喇！沙田超抵食蟹半放題火鍋～加68蚊仲可以無限任encore時令蟹！

冬天又就黎了，最想就係約埋成班一齊去邊邊佢！最近比小編搵到係沙田開左一間新嘅超抵食半放題火鍋店，視乎大家鍾意食咩，價錢由每位198起跳，仲有個蟹嘅套餐300蚊都唔洗！一定要介紹比大家啊！

係沙田博康邨呢度開左間新嘅餐廳叫鱻潮手工私房鍋，係集私房菜、火鍋、刺身於一身！Photo from PresslogicPhoto from Presslogic

而必須重點介紹嘅係呢個蟹宴手工私房鍋套餐，價錢只係需要每位288～呢個價錢係免茶芥免加一，實收288就可以試到呢個蟹嘅火鍋喇！小編認為呢個係最抵食之選，真係好抵玩好抵食！

套餐首先包凍蟹一隻，冰凍凍嘅蟹食落蟹肉特別鮮甜，真係回味無窮～
Photo from Presslogic

之後套餐可以揀星洲黑胡椒蟹或者咖哩蟹～用左辣味十足嘅黑胡椒拌炒，味道好濃郁，超級入味真係非常惹味啊！
Photo from Presslogic

而只要每位加$68仲可以任食時令蟹，如果嚐蟹如命嘅朋友，真係唔好錯過呢個機會盡刷一番啊！

跟住就係鱻潮佢地嘅花甲蟹鍋，湯底係佢地自家製嘅鮮魚湯底黎嫁，係每日新鮮用上大量嘅魚去熬製～食火鍋就最驚湯底味精多到會渴到第二朝，呢度無落任何味精！試一啖佢地個湯底，真係好重魚香味，味道唔會腥，好清甜嫁！Photo from Presslogic
入面放入原隻嘅花蟹，個湯底令到蟹肉鮮甜味UPUPUP！真係好好味～Photo from Presslogic

其他套餐會包一個時令海鮮拼盤～超新鮮啊！
Photo from PresslogicPhoto from Presslogic

之後必定要試係佢地嘅招牌手工蟹籽蟹肉珍寶珠，其實係佢地將蟹籽釀入即打嘅蟹肉滑入面，變成一粒蟹肉丸～食落真係鮮味十足，仲要好彈牙嫁！Photo from Presslogic

仲有兩條足八寸長嘅皇帝蟹棒，唔係扮哂蟹嘅低級蟹柳！吸哂個湯食落真係好正啊～
Photo from Presslogic

Photo from Presslogic

手工魚皮同手工響鈴兩款都係邊爐嘅例牌，每次邊爐都必定要食！而呢度嘅魚皮同響鈴都比平時嘅size大好多，魚皮炸得好香脆而且調味剛好，非常香口。至於響鈴就超大條，索哂個鮮甜湯底真係好正嫁！Photo from PresslogicPhoto from Presslogic

打邊爐又點少得肥牛啊，呢度可以食到鱻潮手切Prime肥牛，肉脂分佈好靚嫁～不過小編私心推介呢款手切封門柳，牛味好濃郁～唔食牛嘅都可以揀西班牙黑毛豬，同樣好香好好味嫁！Photo from Presslogic

必食嘅有佢地自製嘅手工丸，小編最鍾意係黑白墨魚磚～上面係好重墨魚味用墨魚汁整成嘅墨魚膠，而下面係用墨魚肉打成回彈力超強嘅墨魚丸，食落會有兩重口感，真係好好味嫁！

而食完呢啲都未夠喉，係可以任叫，係任叫多過30款嘅火鍋配料，必食推介有韮菜餃同玉子豆腐！Photo from Presslogic

打到一半覺得口乾仲可以飲埋佢地每日唔同嘅自家製飲品，呢杯係佢地自己整嘅紫背天葵，酸酸甜甜味道似山楂水～原來係有幫助消化同清熱嘅作用！岩哂一路打住邊爐一路飲啊！Photo from Presslogic

溫馨提示一下，暫時餐廳都只係收現金咋～

鱻潮手工私房鍋 
地址：沙田博康邨熟食市場8號舖（近馬鐵沙田圍站）
電話：96133368

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載