【港鐵過境車費優惠2025】東鐵綫3大著數！小童$0乘車＋成人來回慳$6

想趁暑假最後機會帶小朋友北上輕鬆食買玩？今個夏天，港鐵東鐵綫推出雙重過境優惠：即日起至8月31日，小朋友可免費乘搭往來羅湖／落馬洲車程，成人及樂悠咭乘客亦可享來回減$6優惠，絕對是北上深圳的最佳時機！即看詳情！

港鐵過境⾞費優惠｜小童免費乘坐東鐵綫

今個夏天，港鐵東鐵綫特別為小朋友送上「夏日禮遇」——3至11歲持有效小童八達通的乘客，即日至8月31日可享免費過境優惠！只需於港鐵站內的數碼服務站或自助換領機選取指定優惠，即可換領來往羅湖或落馬洲站的車程。

優惠適用於小童由羅湖／落馬洲出發，並可於指定港鐵站轉乘以下交通工具：輕鐵、港鐵巴士（新界西北，K52A除外）及港鐵接駁巴士K12（星期日及公眾假期除外）、K14、K17及K18。領取次數無上限，用完一程又可以再換，家長可以放心帶住小朋友北上，輕鬆感受深圳食買玩的樂趣！！

Photo from MTR官方圖片

小童免費車程領取方法：

1/在數碼服務站⾸⾴選取——「過境⾞程優惠」
2/選「⼩童免費往來羅湖或落⾺洲站」——按「領取」
3/將⼩童八達通拍上閱讀器，成功即獲車程
每次換領一程，用完可再次申請，直到推廣期結束為止。

Photo from MTR官方圖片

港鐵過境⾞費優惠｜成人即日來回深圳$6

除了小朋友有優惠，成人同樂悠咭（60–64歲）乘客亦同樣受惠！由即日起至9月30日，使用八達通先坐港鐵到落馬洲站過關，返程時於深圳地鐵4號綫「福田口岸站」內拍「港鐵特惠站」，即可以享有來回減$6（或單程減$3）的優惠！

Photo from MTR官方圖片

Photo from MTR官方圖片

成人/樂悠咭車費優惠使用方法：

1/八達通入閘坐港鐵至落馬洲站
2/過關至深圳地鐵4號綫「福田口岸站」——出閘前拍「港鐵特惠站」
3/回程拍卡返港——出閘時自動扣減$6
4/如果只在南下返香港，拍卡同樣可享$3優惠

港鐵過境⾞費優惠｜落馬洲最快8分鐘一班

為配合假日北上人潮，東鐵綫已加密班次，由即日起往返落馬洲列車最快每8分鐘一班。縮短候車時間之餘，更方便靈活安排行程，無論是家庭出遊定朋友小聚，都可以輕鬆抵達目的地，隨時即刻北上深圳開餐、shopping或打卡都得！

Photo from 網上圖片

相關文章：【八達通限時優惠】有錢派！教你簡單7步拎盡高達$350回贈

相關文章：【北上出行優惠】WeChat Pay HK限時領！$88現金券＋獎賞總值超$900（附攻略）

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）