呂爵安演唱會餅印胞妹小如豬落力唱跳遭網民批評「懶可愛」Edan即回4字霸氣護航！

By Macy Sun on 21 Aug 2025

Digital Editor

MIRROR成員呂爵安（Edan）一連三場演唱會《EDAN LUI “e to E” LIVE 2025》日前圓滿結束。一向被稱為「寵妹狂魔」的Edan，尾場請來餅印胞妹小如豬（呂蕙如）做嘉賓一同唱跳《三分甜》，當日影片連日來被瘋傳，怎料小如豬就被部分網民批評表演尷尬兼「懶可愛」，引來「妹控」Edan立即出面留言4字霸氣護妹！

Edan胞妹小如豬唱跳《三分甜》

呂爵安（Edan）日前個唱尾場請來餅印胞妹小如豬（呂蕙如）做嘉賓，一同合唱《漸漸我們》及唱跳「妹豬歌」《三分甜》，掀起全場高潮。見小如豬當日表演毫不怯場，Edan更指她非常有誠意地去排舞，並搞笑稱如公司想搵阿妹出道可以向他聯絡，同時亦可以搵他們兄妹檔拍廣告！

小如豬被批「懶可愛」

View this post on Instagram

A post shared by LuiWaiYu🧸 (@luiwaiyu_1030)

小如豬當晚演出片段流出後，雖然不少網友大讚她表演專業，指：「可以原地出道」、「小如唱歌都真係好聽又跳得」、「小如出道我會2邊都追」等。但同時亦有網友出Po狠批小如豬表現尷尬：「Edan個妹有咩咁靚？明明生到成個男人咁。開threads睇到都尷尬死，仲要懶可愛跳Lollytalk，嘔。」

Edan留言4字霸氣護妹

Photo from IG圖片

Photo from Threads圖片

Photo from IG圖片

帖文一出馬上引來護妹心切的Edan出現，在留言欄上載一張寫有「關你諗事」的圖片去回覆該名網民。至於其他網友亦有力撐Edan，留言鬧爆該名網友：「兩兄妹似樣有咩問題」、「收吓把口啦唔鍾意你咪唔好睇你仲嘔」、「我覺得小如豬好可愛⋯ 你唔鍾意咪唔好睇囉」、「跳唱三分甜呀。唔通黑口黑面咩。你睇開咩地獄version呀？#關你諗事」等。