24歲Ivy So吸金力強榮升小富婆自爆銀行存款過百萬入行3年半靠1招儲錢？！

By Macy Sun on 22 Aug 2025

Digital Editor

現年24歲的COLLAR成員Ivy So（蘇雅琳）入行至今短短3年半，吸金力驚人受盡廣告商青睞。而日前她出席活動時，更是公開承認銀行存款已過百萬，引起討論！

Ivy So自認有義氣會向隊友借錢

Ivy So（蘇雅琳）日前出席活動，訪問期間就被問到COLLAR成員邱彥筒（Marf）早前玩遊戲挑戰問隊員借錢，對此Ivy So就表示稱不明白為何不問她借：「因為我最有義氣。（定最有錢？）最有義氣。（如果問你一定會借？）我啲成員肯定會借先，其他人就考慮吓，因為媽媽都有教要小心錢財。」

Ivy So自爆銀行存款過百萬

Photo from IG圖片

至於被問到是否「公認富婆」，Ivy So就坦言：「因為我生活冇咩負擔，同屋企人住。（戶口會唔會都有過百萬存款？）加埋有嘅，都做咗嘢3、4年。」，自爆銀行存款過百萬，更因與家人同住，不需承受租金壓力，加上父母未特別要求生活開支，她只須交家用，令支出減到最少，讓她可以無後顧之憂，全情投入演藝事業。

網友：有錢使乜話人聽！

Photo from IG圖片

Ivy So訪問一出後亦引來大批網友討論，雖然有部分網友大讚Ivy So叻女：「Ivy so 好叻」、「多勞多得～叻女」。但同時亦有網友認為在娛樂圈入行逾3年存款過百萬不足為奇：「一個月兩三萬? 做呢行得呢個數字都好攞出嚟講嘅？」、「有錢使乜話人聽！三年半先至存100萬。藝人嚟講佢都算渣！」、「其實一百萬不少住公屋阿婆也儲到」、「咁多廣告先過百萬？ viu食水深？」等，反應兩極。