鍾嘉欣曬幸福反曝露婚姻危機揭因1事遭老公喪投訴網友：好有問題！

By Macy Sun on 25 Aug 2025

Digital Editor

現年41歲的鍾嘉欣2015年與脊醫Jeremy結婚後，先後誕下兩女一子，並回流加拿大定居，近年才間中回港工作。而近日她就為網上節目《絲打圍爐》擔任嘉賓，訪問期間就自爆夫妻生活受到阻礙，更多次被老公投訴，被網民認為她的婚姻暗藏危機！

鍾嘉欣分享與老公相識經過

鍾嘉欣日前在網上節目《絲打圍爐》中大談夫妻生活，期間她就分享與老公是在胞姊介紹下認識的，但起初本意並非相親，「因為我冇乜朋友……佢（家姐）想搵個人係外國返嚟而唔識中文，又唔知我係娛樂圈嘅，可以同我傾偈開解我。」鍾嘉欣表示起初二人是朋友，幾乎都是靠電話聯繫，後來得知Jeremy認識她爸爸的親戚，感覺有些緣份，於是漸漸熟絡。

鍾嘉欣自爆倒追老公

Photo from IG圖片

鍾嘉欣又直言是自己追求Jeremy，事緣有次她被狗仔隊跟拍，Jeremy在電話中教她放鬆自己及如何應對，之後就時常致電給對方。她表示聽着Jeremy的聲音感到平靜，「我覺得好舒服，傾傾吓我向佢表白囉！『嘩，我好鍾意你呀』，我話『我都鍾意你嘅，你鍾唔鍾意我咁囉』！」但鍾嘉欣就補充指與Jeremy其實是情投意合，只是由她先表白。

鍾嘉欣直言忽略老公

Photo from YouTube截圖

另外鍾嘉欣亦透露，自己在加拿大一手一腳照顧子女，更時常回香港工作，因此有少許忽略了老公。而當被問及心中的第一位是子女還是老公時，她就表示雖然知道老公會在意，但仍認為子女是她的第一位，提到老公被忽略也有些內疚：「譬如我飛嚟飛去啦，我返加拿大，佢哋會接我機，個個（仔女）都跑埋嚟『媽咪媽咪』，我老公其實都有張開手，佢其實都好想攬我。如果我同我啲仔女一齊，我老公會攬咗我先，但我一見到啲仔女，好似見唔到我老公，攬咗啲仔女先，其實佢係扁緊嘴。」

鍾嘉欣湊仔攰到睇唔完一場戲

Photo from IG圖片

Photo from YouTube截圖

而由於要全天候照顧三名子女，鍾嘉欣就直言連與老公拍拖的時間都沒有。她說：「我哋冇拍拖㗎……冇時間。」只有當外出時雙方父母有空照顧孫仔孫女，她與老公才會離開一會兒逛逛：「佢成日想同我睇戲，但其實冇一次係睇完，10年喇結咗婚，未（完整）睇過一套電影……佢跟住就投訴囉，『你唔同我睇埋套電影』，攰啊夜晚，湊完仔女、煮完飯、洗完嘢……想瞓覺㗎喇！」鍾嘉欣甚至透露老公對她表示最大願望是跟她看完一套電影，而現時她自己亦有提點自己要改善，多放時間在老公身上，但阻於照顧子女實在太忙，因此情況暫未見好轉。

網友擔心10年婚姻藏危機

Photo from IG圖片

儘管如此鍾嘉欣就指老公很愛跟着她，「佢鍾意跟住我做任何事，即係佢係鍾意陪我嘅，去邊都話『陪埋你一齊去』。」展露了幸福的婚姻生活。不過影片上傳後，雖然已有不少網民大讚兩人夫妻甜蜜幸福，但同時亦有部分網民提醒鍾嘉欣10年婚姻恐怕藏下危機，紛紛留言指：「夫妻相處時間好重要，其實老公投訴到出聲已經好有問題，佢仲笑得咁開心」、「係咪間接話畀觀眾知老公冇幫手湊仔搞到你咁攰」、「其實即係呻緊湊仔辛苦」、「有冇咁誇張呀，10年一套戲都睇唔晒，又唔係3個仔女同時出世」、「有冇時間維繫夫妻生活，講心嫁姐」等。