秋高氣爽！同閨密豪華野餐懶人包～準備充足先係王道！

11月秋高氣爽，又係同屋企人、閨蜜去野餐嘅好時機～想懶懶地、悠閒地、輕鬆地野餐～梗係要睇下野餐懶人包啦～
Photo from Presslogic

係香港要去野餐，唔一定要山長水遠跑到去郊區，再搵塊草地野餐。市區嘅野餐地點，例如西九文化中心、啟德郵輪碼頭、佐敦谷，都相對較方便架！但去野餐唔想準備咁多野咁麻煩，呢個時候最適合就係睇野餐食物同用品準備懶人包啦！！！
Photo from Presslogic

用品準備：

1)食物

去野餐，點少得野食啊！？手殘嘅小編，就整唔到豪華嘅野食，不過，只要動下腦筋，係便利商店買D食物，例如三文治、紙包野飲、沙拉、薯片、Cookies、飯團等等～再自己包裝吓，就可以整到一個豪華嘅野餐！
Photo from Presslogic
Photo from Presslogic

較不建議大家帶湯或碳酸飲料，因為保存唔係太方便，如果長時間係陽光嘅照曬之下，咁就好容易變壞啦～

2)野餐墊&野餐籃

依照人數選擇岩自己嘅野餐墊（colorful D嘅野餐墊，影相都靚D架！）同埋選擇大少少尺寸，例如200X150cm ，又可以擺袋又可以訓係度曬太陽～同時野餐墊需注意具有防水功能，以防止草地潮濕、或者野飲倒瀉嘅問題。

野餐籃建用竹藤藍，材質輕巧而且符合悠閒情調～影相打卡都好靚！不過屋企冇都唔緊要，因為市面上依加都有好多款式嘅野餐袋～
Photo from Presslogic

3)防曬＆蚊怕水＆雨具

去野餐親親大自然，難免會招惹蚊蟲侵擾。所以大家一定要準備蚊怕水，怕曬嘅女仔，仲可以帶定太陽帽、黑超、遮或防曬等等。同時，請注意天氣預報，落雨去就唔好啦～

4)個人用品

係戶外飲食更加要注意衛生啦～紙巾同濕紙巾無論去到邊都係我地嘅好朋友～有時野餐地點離洗手間好遠～所以整污糟隻手，有濕紙巾係身都會方便D～
Photo from Presslogic

5)服裝

有D女仔朋友貪靚，去野餐都會著迷你短裙，但難免有時坐低都唔會方便。去野餐，最重要都係以輕便為主。同埋著舒服又方便嘅便鞋、涼鞋就最適合啦！畢竟大家都會除鞋係野餐墊上行行企企～

準備好就可以約埋一班閨蜜去野餐啦！！！下一次，小編再介紹大家香港嘅野餐好地點～

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載