楊千嬅被爆當年拍《千杯不醉》黑面態度與同場吳彥祖成對比網友反應兩極！

By Macy Sun on 29 Aug 2025

Digital Editor

近日楊千嬅被網友爆料，指2005年與吳彥祖合作拍攝電影《千杯不醉》，被邀請與客戶合照時態度極冷淡，一度「黑面」，與態度極親民的吳彥祖形成強烈對比，引起網上熱烈討論！

楊千嬅被爆早年拍戲黑面

View this post on Instagram

A post shared by 楊千嬅Miriam Yeung (@yeungchinwah)

Photo from Facebook@孖劇亭授權圖片

近日有網友在社交平台上爆料，指早年公司曾贊助楊千嬅與吳彥祖合拍電影，並借出辦公室作拍攝場地，當時一眾同事更特意週末返回公司，只為近距離目睹偶像風采。而吳彥祖亦沒有令網友失望當日態度親民，合照有求必應亦有與員工搭膊頭。然而輪到楊千嬅就態度極冷淡，更被指黑面：「楊千嬅一聽到客戶要求影相就面黑，勉為其難先肯影一張，仲要係咁嘅面口」

網友：佢架子上係好大明星！

Photo from IG圖片

帖文上傳後馬上引起熱烈討論，有不少網友都認為楊千嬅當眾黑面態度實屬不當：「如果個藝人喺私人時間俾人溜影相，咁佢當下覺得被騷擾黑面都情有可原，而家講緊佢開緊工對住staff都咁樣，反映佢唔止係態度更加係有『白鴿眼』睇人唔起」、「影相黑面咁你咪唔好影囉，攪衰晒啲氣氛！」、「佢架子上係好大明星」、「以前叫大笑姑婆，之後就叫黑臉婆」等。

網友為楊千嬅平反

Photo from 《千杯不醉》截圖

不過亦有網友為楊千嬅平反，「起底」翻查資料發現相關戲份其實來自財務公司贊助的2005年電影《千杯不醉》，因此當年場景實際屬於植入式廣告，因此就有網民指出楊千嬅作為香港人，得知要在財務公司中拍攝植入廣告戲份略為黑面亦屬合情合理，亦有人指出：「講真，一張shoot真係代表唔到啲咩！或者當時佢好想休息拒絕多次都被逼去影相呢？」、「其實只不過係正常口面，冇笑啫，唔算係黑面掛？」等，意見兩極！