林海峰回應MIRROR缺席叱吒傳聞 疑暗示「頂流」時代終結：冇理由年年攞獎都嗰幾個！

叱咤頒獎典禮每年都是備受矚目的樂壇盛事，然而早前就有傳MIRROR與商業電台關係亮起紅燈，MIRROR將缺席今年叱咤的消息！對此林海峰日前與葛民輝、柯煒林(Will)和韋羅莎等人，完成舞台劇《笨蕉大劇團》尾場演出，接受訪問時就有回應，充滿玄機指出：「冇理由年年攞獎都嗰幾個」，言論被指疑似是在暗示MIRROR時代已終結？！

林海峰認頒「我最喜愛」有壓力

林海峰多年來在叱咤頒獎典禮扮演重要角色，幾乎每年「我最喜愛」系列獎項都由其頒發。然而林海峰日前結束舞台劇《笨蕉大劇團》尾場演出受訪時就坦言，原來這項任務對他來說非常沉重，更自爆其實早於兩年前已經暫停頒發此獎，覺得自己在頒獎禮上存在太耐，並直言：「一早唔應該頒」。

林海峰：冇理由年年攞獎都嗰幾個！

Photo from Facebook圖片

Photo from ViuTv截圖

Photo from ViuTv截圖

至於被問到有關MIRROR將缺席今年叱咤的傳聞，林海峰先是搞笑回應：「我都未公布我去唔去叱咤，只肯定自己唔會出席其他台嘅頒獎禮，我亦唔係電台高層。」其後則充滿玄機地回答，指出歌手有來有走是頒獎禮的常態，更強調：「無理由一個頒獎禮由第一年開始搞，搞咗廿年三十年都係嗰幾個人攞獎，係無理由。」他認為唯一不變的可能只有頒獎嘉賓，但這個情況亦可能需要有少少改變。

網友：即係暗示MIRROR時代已終結？

Photo from IG圖片

林海峰是次言論引來網友熱烈討論，被指是在暗示樂壇將會改朝換代：「軟硬話頒獎禮冇理由幾十年來會係同樣嘅人攞獎…咁即係暗示mirror嘅時代已經終結」。不過同時就有網友對商台本身做法提出質疑：「同商台咁多年夠淨係比晒啲配音廣告你做、唔分比其他dj，等你賺晒啲外快，又唔見你講商台咁多年都係益你同個幾個自己友」，更指林海峰言論有欠公允：「其實你都應該要換啦！林海峰已經由敢言做到而家係慎言」。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）