Jeffrey魏浚笙被批上節目唔專注極「難頂」本尊親爆患ADHD：我都好𤷪𤺧自己！

By Macy Sun on 15 Oct 2025

Digital Editor

現年27歲的魏浚笙（Jeffrey）憑著靚仔外表，以及綜藝節目中的反差萌表現成為「新一代男神」。近年他更進軍樂壇，歌影視三棲發展，事業如日中天！然而早前《膠戰S4》播出，卻有網友發帖點評Jeffrey表現，批評指其經常唔專注兼有「迷之自信」極難頂，引起討論！

Jeffrey被批唔專注極「難頂」

魏浚笙（Jeffrey）有份出演的ViuTv節目《膠戰S4》日前剛播畢，早前亦預告將出演試當真告別作《墨魚遊戲2》，在綜藝節目方面極受青睞。然而近日就有網友突發文，就Jeffrey在遊戲節目上的表現進行點評：「講真Jeffrey 喺《膠戰》度已經成日都勁唔專注，又get唔到啲遊戲規則，仲成日有謎之自信中二發言。如果唔係佢靚仔嘅話，睇佢個part都幾難頂（damn 但佢真 cute ）。anyway唔覺得佢喺墨魚遊戲會last得耐。」

網友力撐：係缺憾美！

View this post on Instagram

A post shared by Jeffrey Ngai 魏浚笙 (@jeffreyngai)

Photo from IG圖片

帖文引起網友討論，大部分人都力撐Jeffrey：「就係因為佢咁蠢，所以幾好笑」、「Jeffrey 的話缺憾都係缺憾美」、「六膠嘅 combination 同 interaction 係好笑同好睇嘅」、「佢呢個特質係令膠戰好睇元素之一，話明”膠”嘛」、「天然呆先係重點」、「講真，就係蠢蠢地但靚仔，間中有料到先驚喜」等。

Jeffrey自爆患ADHD

Photo from IG圖片

帖文同時亦傳到本尊，Jeffrey就有留言回覆並坦言患有ADHD（專注力不足及過度活躍症）：「完全明！有時我都好𤷪𤺧自己，點解理解得咁慢，又做唔到當刻就get到玩咩，慢慢我get到每個人都有自己嘅長處短處，因為係ADHD，專注力同理解力都會比人慢啲，所以都學識咗同佢好好共存，好彩身邊有好多隊友carry。」而其實Jeffrey今年初已自爆確診ADHD，並表示經診治及服藥後，他的「郁身郁勢」情況有所改善，工作時的專注力也有顯著進步。