何伯受訪狂數何太黑歷史鬧離婚 向五名仔女低頭認錯：我踩咗落個氹度！

「風雲人物」何伯與何太去年起成為新聞焦點，早前更因激烈爭執、互毆流血事件鬧上法庭，令當初如膠似漆的兩人，最終變成惡言相對！日前何伯更是接受YouTube頻道採訪，期間狂數何太黑歷史，宣告下定決心離婚，同時亦低頭向五名仔女認錯！

何伯坦言與何太感情已「冇彎轉」

何伯近日接受YouTube頻道「花生速遞」採訪，坦言與何太感情已「冇彎轉」，透露早前已提出離婚，何太更曾向他直言：對我冇愛情、冇感情，同我話要離婚改嫁，打擊得我好空白。」而何伯聽後就表示傷心欲絕：「夜晚都流眼淚喺度喊，冇覺好瞓。呢家只希望傷勢好返，好好咁捱落去。」

何伯回想相識經過大感不妥

Photo from 網上圖片

Photo from YouTube截圖

而這次受訪面對主持及觀眾的提問，何伯亦有問必答，瘋狂大爆何太黑歷史。他透露何太有6姊妹，她排行第6，但就從未透露過如何申請來港，就連她在YouTube使用的名字「玲玲」也非身份證上的真名。其後何伯又講述兩人相識經過，指當初何太每日像自己煲湯送暖，不久便提出結婚要求，並迅速安排兩位證婚人，只是現在回想大感不對勁：「我都覺得咁易搵（證婚人），仲要兩個，唔係一個。（可能一早鋪掛好？）應該係。」

何伯爆何太某處藏現金

Photo from YouTube截圖

Photo from 網上圖片

另外何伯又提到何太有在一個月內要求自己擲逾30萬買金器：「『金銀潤』12萬定13萬幾。嗰隻鑽石戒指買咗12萬幾，龍鳳鈪就9萬幾。」不過何伯就澄清沒有給保險金予何太，解釋因「冇買過保險。」並大爆何太在某處收藏了現金，租屋處更擺了海味做貨倉，但因擔心觸犯法例，故只能低調擺放，估計何太手上擁30多萬。

何伯質疑何太「器官」似冇生過仔？！

Photo from 網上圖片

Photo from 網上圖片

何伯其後亦有對何太是否真的育有一名兒子表示質疑，並根據何太「器官」進行判斷，「我亡妻生咗5個，你生過細路，啲器官唔同㗎嘛！啲紋......我都唔係好信！生過冇理由咁原裝不動㗎嘛！」此外，何伯又提到何太與一名男子「阿平」關係密切，對方不但會給錢她用，還稱呼她為「親愛的玲妹」，令何伯醋意大發，怒斥對方「勾二嫂」，他更不解：「行街咁多後生靚女，點解會......」

何伯向五名仔女低頭認錯

Photo from 網上圖片

最後何伯亦有低頭向粉絲以及五名仔女道歉：「嗰時我得罪好多粉絲，對唔住，我唔知咁複雜。加上我啲仔女（關係）破裂咗，我踩咗落個氹度。我同我啲仔女道歉先，真係對佢哋唔住，我叉咗落個氹度，而家醒返。我成日鬧粉絲鬧到咁樣，真係對唔住，嗰時個腦偏埋一邊。」

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）