全運會呂爵安訪問落敗蔡俊彥「老友」互動引爆笑 Edan被窒：你走音係咪成日唔開心？

By Macy Sun on 17 Nov 2025

Digital Editor

昨日（16日）舉行的全運會劍擊男子個人花劍比賽中，香港代表隊的「世一」蔡俊彥遺憾8強止步。ViuTV就有派出MIRROR成員呂爵安（Edan）擔任一日特派記者，追訪其好友蔡俊彥，兩位大學室友一見面便瘋狂互窒爆笑連連，訪問片段近日亦被瘋傳！

蔡俊彥全運會8強止步

全運會男子花劍個人賽事昨日（16日）在啟德體育園上演，港隊主將之一的「世一」蔡俊彥於半總決賽對戰福建的許杰，輸9：15，最終遺憾8強止步。當日ViuTV就有派出呂爵安（Edan）擔任一日特派記者訪問蔡俊彥。怎料相當老友的兩人一見面已立即互窒，蔡俊彥見到Edan即說：「唔怪得之輸啦！」、「因為你！」

Edan訪問蔡俊彥被窒

View this post on Instagram

A post shared by Edan Lui 呂爵安 (@edanlui)

Edan率先表示自己遲了到場，未能親眼見證蔡俊彥作賽，有點可惜，其後又問到蔡俊彥比賽後心情，蔡俊彥就似未有因落敗而過份影響心情，甚至有笑著揶揄Edan：「本來好唔開心，見到你開心好多。其實本身都冇唔開心嘅，都大個啦而家，唔會因為一次失落好唔開心，好似你咁，唔會因為走音唔開心，如果唔係你係咪成日都要唔開心？」

Edan：我走音嘅頻率，應該無你輸咁多！

Photo from 影片截圖

蔡俊彥突然「放箭」令Edan有點措手不及，只好自嘲一番：「係呀係呀，我都大個啦。」蔡俊彥隨後又笑言自己經常輸︰「可能你見我上年贏三次，但其他全部都輸，如果每次輸都唔好開心，我會好抑鬱。」Edan隨即抓緊機會大反擊：「咁我走音嘅頻率，應該無你輸咁多…哈哈哈哈哈哈！」蔡俊彥亦補充指狀況受很多因素影響，譬如身體不適及時差因素，如走音也有很多理由。Edan 亦順勢讚同：「係呀！病呀、感冒呀」，蔡俊彥則搞笑補充「感冒型運動員」，雖然輸掉比賽，但訪問時就見氣氛輕鬆。

網友：老best好mean！

Photo from 影片截圖

View this post on Instagram

A post shared by Ryan Choi (@ryanchoiiiii)

而今次兩位「老Best」的爆笑訪問亦引來網友討論，不少人都喜見Edan與蔡俊彥的搞笑互動，更大讚Edan成功緩和比賽緊張氣氛：「可能係最true嘅運動訪問之一」、「謝謝你們帶來新的氣象專業性唔等於絕對嚴肅我可以睇到你哋嘅訪問既有專業性亦有感情」、「老best好mean」等。但同時亦有網友Edan表現有失專業：「好心啦！有心訪問就認真D啦！Mic牌有新聞台㗎！不知所謂，D問題又低能，casual talk留返私下吹啦！」，意見兩極。