童星Jacky仔孖吳諾弘拍片親解告別演藝圈之謎：我又無特別一定要拍戲！

By Macy Sun on 20 Nov 2025

Digital Editor

童星出身的港隊劍擊運動員吳諾弘（Lawrence），早年開辦YouTube頻道與粉絲分享生活點滴，而日前他就有邀請到昔日的童星好友王樹熹（Jacky 仔）暢談往事！期間闊別幕前多時、現已定居日本的Jacky 仔就有公開其個人近況，並親自解開告別演藝圈之謎！

吳諾弘快閃日本會好友

吳諾弘日前更新頻道「童星重聚系列」出新片，專程遠赴日本與定居東京的好友王樹熹（Jacky仔）見面，兩人一見面便話題不絕，吳諾弘搞笑表示：「細個已經有人話我哋好似，成日將我哋撈亂，所以我上次打奧運，跟住之後，有啲人喺下面留言話：『嘩，Jacky仔去咗奧運咩？』跟住之後，後面啲人就話：『嗰個唔係Jacky仔，嗰個係 Lawrence 啊！』」而王樹熹亦和應笑稱兩人自小已經常被人指「撞樣」。

Jacky仔親解告別演藝圈之謎

Photo from YouTube截圖

Jacky仔其後又透露自淡出幕前後，與昔日童星好友已無聯絡，甚至連普通演員朋友也沒有，已完全離開演藝圈。雖然19年大學畢業後有短暫重回幕前拍戲，但Jacky仔認真思考過後就仍然決定告別演藝圈：「我覺得始終喺現實啲咁諗，拍戲其實都唔係一個好穩定嘅一個工作，同埋始終睇返，我又無特別一定要拍戲，咁我覺得不如試下自己鍾意嘅嘢。我又之前喺日本留過學一陣。」

Jacky仔更享受「幕後」工作

View this post on Instagram

A post shared by Ng Lok Wang Lawrence 吳諾弘 (@lawrenceng_1999)

View this post on Instagram

A post shared by Jacky仔王樹熹ジャッキー (@wongshuheijacky)

據指Jacky仔曾於日本早稻田大學留學，畢業後在當地從事 PR（公關）工作。而對於目前生活模式Jacky仔在片中就表示更「enjoy」，亦並未對當年童星身份帶來的「既定印象」感到負面，反而認為當年經驗對他在待人處事與溝通方面有所助益。他更幽默表示，現在的童星要面對的網絡評論壓力，比他們當年「無咁發達」的年代大得多，想法相當成熟果然「大個仔」！