70歲任達華台前意外跣倒敏捷翻身一圈華麗起身網民讚老當益壯！

By Macy Sun on 24 Nov 2025

Digital Editor

現年70歲的任達華身形、樣貌一向保養得宜，加上經常做運動體魄相當健康！而日前（22日）他出席時裝活動時，疑似因地氈太滑而跣倒，嚇壞在旁的老婆琦琦，不過幸好當時任達華身手敏捷，一個翻身立即企起身，獲大批網民激讚老當益壯！

任達華台前差錯腳跣倒

事源任達華日前與老婆琦琦出席時裝活動，怎料進場環節任達華跟隨琦琦後方，行到台前準備拍照時，竟疑似因地氈太滑不慎拌倒在地，幸好任達華身手敏捷，打了個筋斗後立即企好，有驚無險，只是手袖的珠子裝飾散了一地。而對此任達華事後受訪時亦態度鬆容，表示：「剛才表演了一個時裝美態，完美地演繹係簡單事，如果唔係點演繹件衫飄吓飄吓呢？哈哈！珠跌咗我識鑲番，我識補衫，因為細個窮會自己釘珠子（身手好fit?）ok啦！」

網友：老實講句仆得好型！

Photo from 影片截圖

當日任達華意外跣倒影片曝光後，大批網友都紛紛大讚任達華老當益壯：「老老實實佢成個狀態真係唔似70歲」、「華哥這身手帥到沒朋友」、「勁，一個轉身，真敏捷」、「老實講句仆得好型」、「身手好過好多後生仔」、「身手咁好，成個場嘅男人都被你搞彎曬」、「仆都仆得型過人當戲咁拍」、「70歲仲咁好身手」、「人仆佢仆，仆得咁有型」等。