朱智賢呻花1.7萬請中「極品」外傭態度惡劣、太攰拒工作：真係開拓咗我三觀！

By Macy Sun on 12 Dec 2025

Digital Editor

現年39歲的朱智賢（Ashley）早年被爆「偷食」人夫黎振燁後，事業直插谷底，近年轉戰KOL，有經常在社交平台分享日常點滴。最近她就在IG大呻請了一位「極品」工人姐姐，工作僅一星期便發現對方態度極惡劣又拒工作，行為令朱智賢不禁直指「開拓咗我三觀」，引發網友熱討！

朱智賢爆請中「極品」外傭

在 Instagram 查看這則帖子

朱智賢 Ashley（@ashley_ellabel）分享的帖子

Photo from IG圖片

朱智賢日前在IG上苦呻自己新請的外傭抵港工作僅一星期已問題多多，在告知對方工作規定後竟遭反寸，工作態度惡劣得令其震驚：「今日簡直係開拓咗我三觀，工人姐姐問我『依家咩年代呀？唔畀用電話』我想問香港有邊一個打工仔，喺開工嘅時候可以用電話？然之後再同老闆講以上呢番說話。」

工人姐姐呻「太攰」拒放狗

Photo from IG圖片

Photo from Threads截圖

怎料發文後數小時，朱智賢竟再次在Threads平台發文投訴，今次則指工人姐姐拒絕帶愛犬散步：「工人姐姐嚟咗一個星期，同我講佢好攰唔帶隻狗落街兼且態度差」，最終她亦只能親自帶愛犬外出散步。朱智賢強調在面試時已經清楚說明照顧狗隻是主要工作，當時這位姐姐還聲稱自己很喜歡狗，但實際工作後卻完全不同，令其相當懊惱。

網友：現在啲工人姐姐係博炒！

Photo from Threads截圖

朱智賢的遭遇引起大批網民關注，紛紛在留言區批評這位外傭的行為：「現在啲工人姐姐係博炒，等你炒有得賠」、「咁你叫佢反鄉下」等。另外更有網友提議她向外傭經紀公司申請換人，而朱智賢就有留言回覆，指已向經紀公司反映事件，但對方卻要求她再加錢請新外傭，令她感到非常肉痛。她認為這種處理方式並不合理，畢竟問題出在外傭的工作態度上，而非她的要求過分：「僱傭公司要我畀錢請第二個，畀個discount我，畀咗17,000幾蚊就咁就冇咗」。