MIRROR缺席叱咤頒獎禮有轉機？陳志雲爆或有成員趕回港出席 鏡粉警告：千祈唔好跪呀！

MIRROR早前宣布因2026年1月1日有工作在身，需在澳門新濠影匯舉行《MIRROR FIRST DAY 2026》演唱會，將無法出席同日舉辦的叱咤樂壇頒獎禮。事件引起網民推斷MakerVille與商台關係是否轉差，甚至令江𤒹生（AK）上電台宣傳都臨時被取消。對此陳志雲日前出席活動受訪就突然爆出，當日或有成員會趕回港出席頒獎禮，就令事件再增添了變數，引起討論！

陳志雲爆或有MIRROR成員出席叱咤頒獎禮

 

在 Instagram 查看這則帖子

 

MIRROR（@mirror.weare）分享的帖子

Photo from 陳志雲 FB

日前商台首席智囊陳志雲出席活動時受訪，對於MIRROR缺席叱咤頒獎禮一事，他就表示理解歌手有時要賺錢去商演，而缺席頒獎禮，不過亦透露：「如果有心嚟，嚟唔嚟到呢？都係嚟到嘅，澳門嚟香港有幾遠？不過驚太辛苦，不過有傳聞話，其中一兩位趕到過嚟，其實我都唔知佢哋會唔會嚟。不過叱咤係成個樂壇嘅事，如果佢哋真係唔得閒嚟，大家都會擁護呢件事。」

鏡粉質疑為「谷飛」出口術

Photo from IG圖片

陳志雲言論一出馬上引起網上熱討，有鏡粉就認為傳聞並不可信，指出MIRROR澳門演唱會將在晚上7時舉行，兩地活動時間幾乎完全重疊，質疑MIRROR成員根本分身不暇。更有人猜測是次陳志雲出面「放風」，是為了幫商台「谷飛」，稱商台今年冷待MIRROR，DJ不常播MIRROR的歌，如今他們宣布缺席令門票「滯銷」、贊助商縮沙，故現在才突然放料指個別成員或會出席。

鏡粉：千祈唔好跪呀！

Photo from IG圖片

Photo from IG圖片

另外亦有部分鏡粉呼籲MakerVille和偶像要謹守原則，留言指：「唔該你哋千祈唔好跪呀！為咗拎個爛鬼獎返去，就算本身其實無特別縮短個 Show，對好多鏡粉嚟講都好重背叛感㗎！今年證明咗電台唔播歌我哋都會照課金俾鏡仔啦，咁就更無理由為拎獎得罪呢班真正嘅金主呀！真係弊遠大於利㗎！」、「我要全世界見到，無鏡嘅頒獎禮商台損失幾多嘢，無論係金錢上定門面上！」、「做咩啫？商台冷待鏡成年啦！宜家好啦俾你做一次冇鏡嘅頒獎禮咪求仁得仁囉！唔通啲飛去唔到同贊助商交唔到差咩？又諗住R返一兩個成員救亡呀？定陳生齋吹出口術？商台唔好咁核突啦！有獎你咪送去澳門囉(英國咁遠都送啦）難先要你做嘛。」等。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）