【充氣城堡The Big Bounce登港】全球最大～低至$165彈足90分鐘！Gen Z必玩CantoPop夜

By Rydia Wong on 15 Dec 2025

Rydia是一個充滿幻想嘅發散性思維者，亦係網感up中嘅運營人～平時鍾意睇遍世界美食，同大家分享唔同吃喝與玩樂！無論係旅行定係戶外活動，都唔會錯過每個嘗試嘅機會！但最終夢想係環遊世界！想有一日可以探索各地嘅美食同文化，充實自己嘅生活！

今個農曆新年，The Big Bounce——全球最大充氣彈跳派對強勢回歸啦！一連17日登陸香港西九文化區藝術公園大草坪！逾10萬平方呎的彈跳樂園等你來挑戰，四大超巨型充氣遊樂區，包括高達12米的彈床同幻影泡泡體驗！今年新增GenZ最愛的CantoPop夜晚派對及動漫Cosplay日，更有型男夜晚同你一齊大玩城堡，Gen Z、動漫迷絕對不可錯過！限時早鳥優惠低至$165，就可以彈足90分鐘，超值又好玩！快點即看詳情！

全球最大充氣城堡The Big Bounce登港｜全新四大充氣遊樂區

《Sun Life永明The Big Bounce世界巡迴香港站》將於2026年2月6日至22日在香港西九文化區藝術公園大草坪登陸！一連17日！場地逾10萬平方呎，設有四大超巨型充氣遊樂區！

Photo from 官方圖片

當中佔地16000平方呎的全球最大充氣城堡，同全港最長、超過150米的充氣障礙賽道The Giant巨無霸挑戰場，等你一試你的速度同平衡力。運動迷可以去 Sport Slam體育狂熱場地玩籃球、攀爬等多種互動遊戲；鍾意星際的朋友，一定要試airSPACE Pink Alien外星人堡壘，感受下星際彈跳樂趣！場內還有競技籃球場、巨型滑梯、波波池等多種互動挑戰，刺激又好玩！超適合大人細路一齊玩！

Photo from 官方圖片

全球最大充氣城堡The Big Bounce登港｜Gen Z必去主題活動

今年The Big Bounce首次帶來CantoPop主題黑夜彈跳派對，絕對是最大亮點！ 2026年2月6日同13日兩晚，加上震撼音樂節拍，同型男現場彈跳！氣氛嗌到爆呀！

還有呀～特定日子會同動漫文化基地INCUBASE Arena合作，搞「動漫 Cosplay 狂熱日」！大家可以化身最愛角色，彈跳玩足全程，全日都有DJ駐場，音樂節拍炸場，本地同海外DJ日夜不停放歌，新增「黑夜大童玩樂」時段，一家大小都可以夜晚一齊彈跳！，而飲食攤位準備了各式環球美食同飲品，全日補充體力，玩足夠本！

Photo from 官方圖片

全球最大充氣城堡The Big Bounce登港｜早鳥優惠低至港幣$165

門票將於2025年12月19日起於網上平台INCUTix同Klook發售啦！12月31日前購買還有早鳥優惠！所有門票都包 90 分鐘入場時間，包括指定40分鐘時段（A 或 B）。除此之外，還可以無限次進出其他巨型充氣遊樂區。

門票場次	早鳥單人門票（2025至12月19日至31日）	正價單人門票（2026至1月1日起）
幼童專屬場次（7歲或以下兒童或其家長 - 須各自購票）	HK$165	HK$179
大童玩樂/黑夜大童玩樂場次（17歲或以下兒童或其家長 - 須各自購票）	HK$165	HK$179
黑夜彈跳派對（18歲或以上人士）（型男彈跳夜：2026年2⽉6⽇及13⽇）	HK$185	HK$199

全球最大充氣城堡The Big Bounce登港｜活動詳情

活動日期：
2026年2月6日至22日
活動時間：
09:15am - 11:00pm（分時段）
時段 1 (幼童專屬場次) 09:15am – 10:45am
時段 2 (幼童專屬場次) 11:00am – 12:30pm
時段 3 (大童玩樂場次) 12:45pm – 2:15pm
時段 4 (大童玩樂場次) 2:30pm – 4:00pm
時段 5 (大童玩樂場次) 4:15pm – 5:45pm
時段 6 (黑夜大童玩樂場次) 6:00pm – 7:30pm
時段 7 (黑夜彈跳派對) 7:45pm – 9:15pm
時段 8 (黑夜彈跳派對) 9:30pm – 11:00pm
活動地點：
香港西九文化區藝術公園大草坪