粉紅夢幻卡邦尼韓式火鍋～素食韓菜新體驗！食住瘦就係咁簡單！最新menu仲有超生猛龍蝦拼盤比你恰下恰下～

By 123testing on 10 Nov 2017

冬天又來了～又係恰下恰下食韓鍋嘅季節，被譽為新一代至創新韓國菜The Joomak都唔執輸，最新推出嘅新menu就有全港首創超少女嘅粉紅卡邦尼湯底～仲有好多新款以素為主題嘅菜色！邊個話食韓國菜一定就heavy嫁～等小編完美示範點樣light住食素韓國菜養生！

每次諗起打邊爐、韓國火鍋就覺得係一件好heavy嘅事～The Joomak新嘅menu絕對可以顛覆你以上嘅概念～
Photo from Presslogic

素．仙人掌果卡邦尼湯底 ($158)
最新推出超健康輕盈嘅純素湯底，係粉紅色嘅卡邦尼湯底，入面係用左仙人掌花果加上豆奶調配而成，所以呢個粉紅色係全天然嘅顏色黎嫁！絕對唔係咩色素～用左嘅仙人掌花果可以清熱解毒，一邊打邊爐同你一邊化走啲燥熱啊！除此之外，仲有抗氧化嘅作用！呢個湯底真係又養眼又養顏啊～～Photo from Presslogic

Photo from Presslogic

純素嘅湯底當然可以一set叫埋個素．拼盤+韓國四彩手拉素麵($208)啦～想清淡嘅朋友可以有option實行素到底！
Photo from Presslogic

呢個素菜拼盤係超低脂，岩哂注重體重嘅女士們喇！入面包一個超巨型雪耳，放入湯度會盡吸湯底嘅精華，真係超級滋味啊～入面仲配有素芝士wasabi丸、素粟米餃子、紫薯等等超豐富嘅食材～仲有超吸睛嘅四彩手拉素麵！外型好靚食落又好好味呢～
Photo from Presslogic

除左呢個純素湯底，當然有超人氣嘅人蔘春雞湯 ($258)，絕對係秋冬補血活氣之選啊～擺左西班牙無激素嘅放養雞，入面再釀入糯米～個湯底飲落帶甘甜嘅味道，而隻雞真係完全地吸收哂湯底嘅精華，食完隻雞仲可以慢慢打邊爐～
Photo from Presslogic

Photo from PresslogicPhoto from Presslogic

龍蝦豐盛拼盤（兩位用）($498)
海鮮迷真係唔可以錯過呢個呢～有原隻超生猛龍蝦，龍蝦真係啖啖肉，超爽超鮮甜啊！另外仲有來自日本嘅生蠔～隻隻都係重量級超肥美嫁，仲有超彈牙嘅泡菜墨魚滑同鯪魚滑，加左泡菜令到成件事韓風左，而且微辣令到真係好彈牙好惹味啊～而成個set當然唔少得打邊爐必備嘅日本肥牛同黑豚腩片啦～話明著重健康，仲有superfood羽衣甘藍份，食落超爽脆好好味啊！Photo from PresslogicPhoto from Presslogic

Photo from Presslogic

素芝士南瓜甘荀熔岩包 ($268)
呢款小編極度推介啊！而且每日限量左得10份嫁咋！所以真係手快有手慢無啊嗚～原來呢款係之前超人氣嘅紫菜熔岩包嘅純素版本～入面放左滿滿嘅香甜南瓜蓉再舖上超多mozzarella芝士，微微用火槍烤過芝士嘅表面，令到芝士味道更加香濃！而側邊放滿左炸素菜，包括有超像真嘅素雞、超juicy雞脾菇、仲有煙煙韌韌嘅年糕～抵讚嘅係外層炸漿絕對唔厚，薄薄一層夠交代個香脆感而不帶半點粉同油膩～點埋個南瓜芝士仲要拉埋絲真係太無敵了！
Photo from Presslogic
Photo from Presslogic
Photo from Presslogic