尋秦記電影版｜《天命最高》歌詞唱錯20年？古天樂親解有冇「誰和誰」網友：誰在篡改劇情！

尋秦記電影版除夕正式公映，港澳兩地累計票房截至前日（5日）已超4500萬，創下香港電影首周票房紀錄。電影人氣爆燈話題滿滿，近日網上就討論起有關《天命最高》歌曲的曼德拉效應，指歌詞原來沒有「誰和誰」這句歌詞，而古天樂亦有親自回應？！

《天命最高》驚現曼德拉效應

事源日前影評自媒體「鬼哥睇乜戲」發文，揭開多年誤解指：「《天命最高》嘅歌詞入面，係冇『誰和誰』的」。帖文發出後即令一眾網友震驚，表示不敢相信：「我明明記得第一句係誰和誰，即刻開返嚟睇變咗係誰求誰，唯一合理解釋係項少龍穿越咗返去篡改劇情，但因為我係親身聽過誰和誰呢個版本，所以就算穿越咗都改唔到我記憶」、「點解99%香港人都一齊記錯？」、「唱錯咗20年」等。

歌詞竟冇「誰和誰」？

Photo from 《尋秦記》劇照

Photo from 《尋秦記》劇照

而翻查資料就見，當年由林夕填詞的《天命最高》的確只出現過「誰求誰」、「誰無誰」、「誰贏誰」及「誰亡誰」。即使有網友翻出從前原裝CD附設的歌詞本，亦見沒有出現過「誰和誰」！

古天樂親解謎思？

 

View this post on Instagram

 

A post shared by COLLAR (@collar.weare)

網友對此討論熱烈，另一邊廂「項少龍」古天樂本人擔任《全民造星VI》評判，與COLLAR在後台拍抽零食盲盒短片時就有趁機「抽水」，一出場即叫：「誰和誰呀！」COLLAR就齊聲糾正：「誰求誰呀！」其後古天樂又再笑謂：「唔係誰求誰呀，係誰和誰呀！」，認真搞鬼！

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）