許廷鏗爆台上失準遭同事當眾批評 即場怒掟嘢發洩：我一部電話車落去！

現年37歲的許廷鏗（Alfred）事業曾如日中天，一度奪得「叱咤樂壇男歌手金獎」，2021年與華納完約後又創立個人唱片公司做老闆。不過近年露面率就大減，一度被網民戲稱為「失蹤人口」。直至近日許廷鏗接受頻道訪問，就有揭開一件鮮為人知的事，自爆曾因台上表演失準被同事當眾批評，一怒之下扔電話發洩，從此與對方再不合作？！

許廷鏗頒獎禮台上失準

 

View this post on Instagram

 

A post shared by Alfred Hui 許廷鏗 (@hui_alfred)

許廷鏗近日接受訪問，被問到入行以來是否有發生過不如意事，於是揭開一件多年來鮮為人知的事。他提到自己有年出席頒獎典禮攞獎，事前花大量心思改善表演，惟上台期間被煙霧嗆到，導致表現失準：「唱《青春頌》嘅時候有啲濁親，但冇人知。但要頂住佢，唔可以失禮。」

許廷鏗遭同事當眾批評怒掟電話

Photo from IG圖片

其後許廷鏗出席慶功宴，一到場便發現氣氛奇怪：「我去到Joyce（鄭欣宜）嗰度嘅時候，我嚟到突然間氣氛好奇怪，嗰時有Joyce、同事喺度，諗住打邊爐。我同事出聲話：『其實你Perform得唔好！你冇盡到你嘅力。』」許廷鏗聽到同事批評後當刻，情緒崩潰扔電話落牆，他說：「唔知點解嗰吓一上頭，嗰日已經好攰，諗咗好多嘢希望成功，畀咗好多力令到呢件事可以扭轉到，唔係一個『金針雲耳』獎。我唔知點解，我完全控制唔到個情緒，我一部電話就車落去。好彩喺我同事身邊飛過去，『嘭！』撞咗落牆，電話跌落地。」

許廷鏗爆與同事再不合作

Photo from IG圖片

許廷鏗坦言當時扔完電話後個人「呆咗」，但「我同事勁啦，執返起佢。」其後他就有解釋指自己當時很壓抑，「我做完表演，你都知難頂，係咪去到咁嘅狀態，你都要揶揄我呢？」他又指與同事都「互相Push到大家嘅Standard都去到冇空間位置。」忘記了享受唱歌，自此已沒有再與該位同事合作。

許廷鏗當年遭華納主動提解約

Photo from IG圖片

另外，許廷鏗亦提到當年突然離開華納，是華納主動提出解約：「嗰時大家都有agreement，個timing差唔多啦，我哋就輕鬆帶過啦。其實我嗰陣時叫做有啲震驚、都幾突然嘅，當我知道嘅時候，我內心當然好大反應啦。咁我就OK啦，好成熟處理，好似分手咁。我就諗以後嘅去向，嗰個階段嘅我好多人緊恭喜我，啱啱攞咗獎冇耐，二月嘅時候，就開始傾，就話要開始解約。」許廷鏗指攞獎後不久即解約是公司策略：「呢段期間捧咗一個人，Ok啦，功德圓滿，Quota夠咗，就到下一位。」許廷鏗亦承認當時心態不夠成熟：「當時有啲情感擺落去『我幫公司成績都唔差呀！』撇除呢度，係和平分手。」

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）