李龍基自爆曾為王青霞被捕 花數十萬為「前女友」打官司：未曾放得低太深愛佢！

現年75歲的李龍基與39歲圈外女友王青霞（Chris）的「爺孫戀」，日前女方被爆原來佛山已結婚生仔，李龍基疑被「瞞婚」，最終7年戀情宣告畫上句號！然而昨日（11日）李龍基接受網媒訪問就有自爆，原來王青霞被入境處拘捕當日他也同時被拉，並要為此守行為2年，又指自己花了數十萬為女方打官司，引起討論！

李龍基、王青霞「爺孫戀」劃上句號

Photo from IG圖片

Photo from IG圖片

李龍基早前證實「被分手」，事源王青霞7月出獄後一直神隱，當時李龍基就稱她要「低調生活」並在佛山打理家族生意。只是早前就有YouTuber大爆王青霞在佛山的情況，揭發原來王青霞於2007年，已與一名陳姓男子結婚，並育有現年16歲兒子，早前冬至時更被拍到疑似與老公陳姓男子及母親同枱食飯。最終李龍基承認「爺孫戀」已玩完，坦承「我係第三者了，祝佢哋幸福！」，並強調自己從不知情，故無需向王青霞丈夫與兒子致歉。

李龍基自揭與王青霞同被捕

Photo from 網上圖片

而昨日（11日）李龍基就有接受網媒訪問公開更多細節，指自己仍然未能放低感情：「我都未曾可以放得低，因為太深愛佢，冇計。咁大打擊，唔係咁易放得低，但我會盡量，唔係就好多嘢都做唔成」。其後他又自揭，原來當日他和王青霞是一齊被捕：「我仲要簽守行為2年，最後因為搵唔到證據話我係合謀，所以我先得到釋放。好多人覺得，係我通知入境處拉咗王青霞之後，我就去大陸。嗰陣我要簽保，每3個月簽保一次，2年後，王青霞被判咗（入獄），因為搵唔到證據證明我係協助佢，所以就撒銷咗我控罪，所以依家先叫Free。」

花數十萬為王青霞打官司

Photo from HOY TV截圖

Photo from HOY TV截圖

另外對於「送七層樓的傳言」，李龍基就指是傳媒斷章取義：「當時主持人問我，你離婚後嗰七層樓點算，點解七層樓都冇你個名。我嗰陣話，因工作關係不時飛來飛去，如果出意外物業寫我個名就好麻煩，所以我7層樓都係寫前妻個名。當時我講『我完全過晒佢個名』，媒體就抽咗呢句來造文章，話我將七層樓送畀王青霞」至於對方是否「攞咗好多錢」，李龍基就坦言花了數十萬元為對方打官司：「使咗幾多錢，我唔想再計，不過淨係講為佢打官司，請咗2個大律師及3個普通律師，已經好多錢。其他嘅唔講喇，太敏感！」

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）