【北上好去處】深圳景福安薈鄰新商場開幕 蓮塘口岸地鐵直達 人均25元煲仔飯+採耳按摩店！

每逢假期，港人北上都一定人山人海！小編放假都會約朋友上深圳食玩買～今次蓮塘口岸又多一個新去處！全新商場 「景福安薈鄰」 正式開幕，商場有超過50間特色餐廳同商舖，由潮汕火鍋、煲仔飯、糕餅甜品，採耳按摩店全都有，而且地鐵蓮塘站A出口落車即到，真係超方便，絕對成為周末北上的新熱點！即看詳情！

深圳景福安薈鄰新商場開幕｜逾50間餐廳商舖進駐

Photo from 官方圖片

商場共三層，入面有超過50個品牌，食、買、玩、親子通通齊晒，一個下午都行唔晒！餐飲方面就更加吸引啦～主打又有特色又高性價比，無論是網紅麵包店、火鍋還是西餐都絕對不會令你失望。

Photo from 小紅書

目前已經進駐的人氣品牌有「江記甜品」、「麥安研」、「煲仔正」、「悅得閑」同「名典炭烤牛扒」。甜品控必試主打Gelato的「野人先生」；而來到深圳，不吃火鍋就不夠完整！ 這間「朋朋潮汕火鍋」同「魚家王脆肉鯇火鍋」，食材新鮮豐富，香味一流，小編每次食完忍唔住想再食第二次～另外，商場內還有多間特色餐廳及小吃店，無論是輕食、甜品還是地方風味美食，都能滿足你的需求！

煲仔正

這間是深圳人氣老牌廣式煲仔飯連鎖店，味道地道又好吃，價錢又親民，人均只需人民幣約25–35元。分店好多，福田、南山、寶安都有，所以不論是上班族還是北上的港人，都好適合來試下。每鍋煲仔飯香氣撲鼻，鍋巴金黃酥脆，飯粒入味又煙韌，熱騰騰一上枱就忍不住想即刻開動啦！

Photo from 小紅書

Photo from 小紅書

Photo from 小紅書

悅得閑

這間茶樓不只是味道好，還有種舒服慢活的茶樓氛圍！他們家的蝦餃皇皮薄晶瑩，入面大隻鮮蝦彈牙飽滿，每一口都食到鮮味。金莎海蝦紅米腸外層係軟糯紅米皮，包住酥脆網皮同彈牙蝦仁，口感層次十足。還有爆汁玻璃乳鴿，皮脆肉嫩，一咬就流出香濃肉汁，食落超滿足。

Photo from 小紅書

Photo from 小紅書

Photo from 小紅書

麥安研

這間店的麵包款式好多，好難選！有軟綿日式包、香噴噴歐包，更有傳統中式糕點同西式甜品，想食早餐、下午茶或者小零食都啱晒。感覺就好似街坊的「麵包廚房」，隨時都可以享受剛出爐的美味！

Photo from 小紅書

Photo from 小紅書

朋朋潮汕火鍋

新年的儀式感從一頓熱乎牛肉火鍋開始～開涮前必須喝一碗原湯！而他家的手打牛肉丸，一咬開就會爆汁！彈牙口感越嚼越香！牛肉拼盤份量也很實在！每片肉都鎖住鮮味，再沾點沙茶醬更夠味！

Photo from 小紅書

Photo from 小紅書

除了餐飲，商場還有不少生活配套，可以去按摩店舒舒服服地放鬆肩頸，還可以試下採耳；又或者順便看牙科。逛完食完，完全滿足港人想「鬆一鬆」的需求。身心都可以好好休息一番！

Photo from 小紅書

Photo from 小紅書

深圳景福安薈鄰新商場｜地址詳情

地址︰羅湖蓮塘街道國威路與畔山路交匯處西南側
交通：搭乘深圳地鐵2號線或8號線，蓮塘站下車，從A出口步行約50米即可到達。
營業時間︰上午10：00-下午10：00

相關文章：【北上出行優惠】WeChat Pay HK限時領！$88現金券＋獎賞總值超$900（附攻略）

相關文章：【深圳好去處】3大扭蛋熱點推薦！逾1400部＋日本限定Chiikawa/Sanrio齊款

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）