唐詩詠訪問古天樂親暱叫「天樂」獲古生突捉手仔問：你有冇dating對象啊？

古天樂近期為電影《尋秦記》四出宣傳，日前就登上唐詩詠和練美娟（娟姐）主持的網台節目《絲打圍爐》接受訪問。期間唐詩詠一開場便以「天樂」稱呼大家口中的古老闆，竟獲古天樂溫柔回應許可，更突然捉起唐詩詠手仔問：「你有冇dating對象啊？」，兩人互動獲得關注！

唐詩詠訪問古天樂親暱叫「天樂」？

古天樂日前登上《絲打圍爐》接受訪問，一開場主持唐詩詠便以歷來最cool嘉賓形容古天樂，練美娟則希望對方「高抬貴口」。其後古天樂登場唐詩詠就竟以「天樂」稱呼大家口中的古老闆，嚇得練美娟馬上反問：「天樂？係得妳咁嗌，我未聽過有人咁叫佢。」唐詩詠解釋：「我諗住親切啲，你覺得好唔好。」然而沒想到古天樂竟大為受落溫柔回應：「好呀，好呀。正呀。」

古天樂突捉唐詩詠手仔

Photo from YouTube@絲打圍爐

Photo from YouTube@絲打圍爐

Photo from 節目圖片

唐詩詠有透露與古天樂首次合作拍戲時的趣事，指自己當時知道要與古天樂拍戲十分害怕，甚至緊張到在現場致電陳國邦求救：「我好緊張，點算，直頭想喊。」令古天樂帶點疑惑問：「只係打畀陳國邦？真係SILLY！」然而其後唐詩詠突然被問感情狀況時，古天樂亦展現護花一面叫練美娟「口下留情」。而當唐詩詠想轉問另一條問題時，古天樂又突然捉住她的手問：「你依家有冇 Dating 對象呀？」 唐詩詠反應後即說：「你有冇介紹？」

古天樂只當宣萱係「物體」

Photo from 小紅書圖片

另外古天樂亦有在訪問中談及「緋聞女友」宣萱，再次回應指兩人間永遠不能擦出愛火：「佢係一個開心果，我唔覺得佢係女性，佢唔覺得我係男性，係我兩個人眼中，我哋只係一個物體，咁樣講，相信大家會更容易明白。我入行第二部劇同佢合作，再合作係電影《犯罪現場》，我當時要管理公司，佢察覺到唔係當年嘅感覺，到慢慢warm up，就出現返嗰種感覺。我哋相處好簡單，佢開心，我開心，冇其他嘢，好難得一生有咁嘅拍檔，啲人成日問，你哋應該點點點，我都幾肯定，係唔會。我身邊，男嘅係劉青雲，女嘅係宣萱。」

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）