【MBTI開運飯指南】E人熱鬧圍爐 vs I人精緻放閃 5大餐廳助你馬年食出好運氣！

馬年就快到，相信大家都感受到嗰陣超濃嘅新年氣氛喇！講到過年，最緊要梗係「食得開懷」啦！不過每年搵開年飯Gathering諗到頭都大埋？今年不如試吓搞搞新意思，跟住MBTI人格類型嚟揀餐廳 ！

無論你係鍾意熱熱鬧鬧、去到邊都係「社交天花板」嘅E人，定係追求生活質感、寧願靜靜哋過嘅「社恐」I人，都可以喺青衣城揀到啱你嘅餐廳，保證令你食得順心。祝大家馬年大吉，龍馬精神！

Photo from 青衣城

十二味：紅紅火火，年年有餘！

對於實事求是、重視感官體驗嘅ESTP或ISTJ嚟講，食飯最重要當然係「夠味」。主打正宗川菜嘅十二味，絕對可以滿足你挑剔嘅味蕾。

新年想攞個好彩頭？點返份「經典香鍋」就啱晒喇，象徵住紅紅火火嘛！望住嗰大碗鋪滿乾辣椒，真係睇見都覺得今年一定會大紅大紫！再加埋川香口水雞同小酥肉，麻辣鮮香層次分明，惹味到爆！

Photo from 青衣城

十二味水準夠晒穩定，對於追求效率同質素嘅S人嚟講，簡直就係最安全、最唔會中伏嘅選擇，祝各位S人馬年嘅生活就好似川菜咁，夠晒滋味！

Photo from 青衣城

PizzaExpress：金銀滿屋，創意無限！

如果你係嗰啲聯想力超強、最鍾意試新嘢嘅ENTP或者INFJ，就一定要試吓PizzaExpress今年出嘅農曆新年限定Menu，絕對帶到驚喜俾你！

邊個話新年唔可以食Pizza過年㗎？試吓佢哋份「金玉滿堂海鮮薄餅」，金黃色嘅芝士配埋海鮮，寓意金銀滿屋、招財進寶。仲有「糖不甩麵包球」，一個個圓碌碌，荷包一定漲卜卜！呢種意式傳統工藝加埋中式節慶氣氛嘅Mix and Match，完全就係N人最欣賞嘅創意呀！喺呢到簡約得嚟又優雅嘅環境，一邊食住創意美食，一邊大談馬年嘅大計，N人新一年靈感一定好似湧泉咁樣爆發，萬事勝意！

Photo from 青衣城

千両：財源廣進，靜享鮮味！

如果你係內向、追求高品質個人空間嘅INTJ或ISFP，新年唔想喺嘈雜嘅環境中度過？咁千両就係你最佳嘅避風港啦！

Photo from 青衣城

叫一份「直送魚鮮七點盛」，食到七款來自產地直送嘅刺身，入口即時有種置身日本海鮮市場嘅感覺，每一款都食得出係新鮮直送嘅誠意。喺呢種靜得嚟又充滿格調嘅環境入面，慢慢品嚐每一口鮮甜，呢啲先至係I人慶祝新年嘅最高境界。祝咁多位I人馬年好似「千両」個名咁，財源滾滾，富貴又平安！

Photo from 青衣城

薈欣：團團圓圓，窩心之選！

如果你係感性、重視家人同朋友情感交流嘅ENFJ或ISFJ，主打東南亞風味嘅薈欣，就係溫暖你心嘅Best Choice。

Photo from 青衣城

「順化蕃茄牛腩煲」或者「炭燒西冷羊扒」都火候十足，食落充滿屋企嘅味道。薈欣嘅環境夠晒闊落舒服，最啱一家大細或者知心好友慢慢坐、慢慢傾。新年最緊要就係一家人齊齊整整、團團圓圓，喺美食入面感受到嗰份愛同關懷，馬年自然就會家庭和睦，身體健康！

Photo from 青衣城

炑八韓烤：越烤越旺，大吉大利！

如果你係嗰種「無人同你講嘢會悶死」嘅ESFJ或ENFP，咁新年飯局首選一定係炑八韓烤啦！

Photo from 青衣城

講到韓燒，最啱就係成班朋友一齊去！望住「嘉福炙聚烤宴」入面嘅和牛拼盤喺烤爐上面「滋滋聲」咁響，陣肉香味飄出嚟，成個氣氛即刻熱鬧晒！E人最鍾意就係嗰種大家一齊郁手燒肉、剪肉嘅互動感，中間再飲多碗「賀年海帶湯」，真係暖胃得嚟又夠晒窩心。

小編就打算拉晒啲Kpop Fans Frd子一齊去邊烤肉邊傾Idol，都叫做醫一醫個「首爾病」啦！

講到底，MBTI都係參考啫，最緊要係同啱嘅人食飯嘛！無論你最後揀邊間都好，最緊要食得開心，食得是福！

Text：HolidaySmart  

Editorial Photo：青衣城

Featured for：青衣城

***本文章的圖片均經其本人或其公司授權，其他媒體不得轉載