夜王｜黃子華慨嘆英國「搵食」艱難不留情狂踩食物難食：我唔係詆毀！

By Macy Sun on 25 Feb 2026

Digital Editor

由黃子華、鄭秀文主演的賀歲片《夜王》在香港票房報捷，票房已衝破5,000萬港元，刷新香港史上港產片最快紀錄！而電影農曆新年亦在英國同步上映，早前《夜王》團隊就有接受YouTube頻道「英倫爸爸」訪問做宣傳。期間主持問到大家對英國的印象時，黃子華竟毫不留情直指英國「搵食」艱難，狂踩英國食物難食，引起關注！

黃子華狂踩英國食物難食

近日趁著《夜王》在英國上映，電影團隊包括：黃子華、鄭秀文、導演吳煒倫、王丹妮和盧鎮業，接受了YouTube頻道「英倫爸爸」訪問。期間主持就有問及大家對英國的印象，此時黃子華直接毫不客氣直指英國食物「係幾難食」。雖然在旁的Sammi持相反意見，但黃子華就繼續表示：「Fish and chips已經係最好食㗎喇。」又分享曾吃過「全世界只有去英國才找到」的漢堡包，笑言價錢還有要五、六鎊，相當昂貴：「但唔係講到咁差嘅」。

黃子華：即食麵已經贏晒！

Photo from YouTube截圖

其後主持又問到「如果到英國謝票，只准帶一樣東西會帶甚麼？」，黃子華亦毫不猶豫表示會帶即食麵，直言：「已經好好食，去到嗰啲地方，我唔係詆毀英國。」黃子華補充試過一次由英國一路去歐洲，但卻感到很淒慘，「沿途都冇嘢時，終於去到一間七流嘅越南舖吃咗碗粉，覺得有冇咁好食嘅嘢。但如果我有一個即食麵，我覺得已經贏晒。」，並表示即食麵「很comforting」。

網友：今時唔同往日喇！

Photo from YouTube截圖

訪問出街後亦有不少人就黃子華的言論進行討論，有人認同黃子華講法：「英國嘅麥當勞及唐餐：好難食！！！」、「£5-6 漢堡包真係好貴」、「睇嚟黃子華不太喜歡來英國喎⋯⋯」等。但亦有部分網友就指英國食物近年亦有改善，更邀請黃子華嘗試：「子華神~~嘢食好食咗㗎喇，快Ｄ再去試下啦！！」、「今時唔同往日，英國呢兩年開咗唔知幾多香港茶餐廳同埋港式酒樓」。