WinWin楊安妮爆患罕見病10年 深夜嘔血切18cm肺保命：已經講定遺言！

憑《全民造星IV》入行的楊安妮（WinWin）向來是跳舞高手，平日在幕前一直表現活潑好動形象，然而近日她卻在節目中自爆患罕見病「先天性肺動靜脈瘤」10年，曾被醫生斷言30歲時，隨時有中風風險。而日前她就有在社交平台公開一條約3分鐘的影片，詳細透露受罕見惡疾糾纏的經歷，以及康復過程！

WinWin自爆患罕見病10年

 

在 Instagram 查看這則貼文

 

🦄winwin（@__on.i）分享的貼文

現年29歲的楊安妮（WinWin）早前上ViuTV節目《晚吹－怨女俱樂部》，首度披露自己一直患有「先天性肺動靜脈瘤」，隨時有中風風險，患病期間更多次度過死過翻生經歷。而日前她再有在IG拍片詳細細訴經歷，指自己是在20歲到日本Working Holiday，在當地做肺結核檢測時，發現肺部有陰影，從而得知自己有這個病：「我個肺入面嘅血管係畸形嘅，動脈嘅血同靜脈嘅血係會流埋一齊，導致嘅後果，就係我由細到大嘅血含氧量極低。正常人應該係95至100，我得86。」

WinWin切18cm肺保命

Photo from IG圖片

Photo from IG圖片

WinWin提到第一次做手術時只有22歲，當時醫生要將金屬螺絲粒放入其血管做阻塞，令血液不會亂流：「有八個窿，一個窿要做一個鐘，所以我total做咗八個鐘。重點係我冇全身麻醉，有條管喺大髀內側直上，跟住你會feel到八個鐘支嘢係肺到係咁撩，好痛苦，我直頭有走馬燈。」往後4年WinWin都有不斷做身體檢查，可惜26歲那年再次病發，不單試過在家中暈低，更會咳血導致血從喉嚨湧出而無法入睡。直至翌年27歲，WinWin終於接受醫生建議，進行第二次手術，切走18cm大小的肺葉，手術是成功，但康復之路漫長需要重新學習呼吸，更因肺氣泡及傷口問題，只能坐着睡覺兩星期，肺活量極差，一次簡單的晾衫動作觸及傷患，要休養3日。

WinWin坦言因病跳舞受限

 

在 Instagram 查看這則貼文

 

🦄winwin（@__on.i）分享的貼文

WinWin亦有補充指身上有多個疤痕，因為身上的傷口令她有好多跳舞動作都不能再做，為練習唞氣用了一年半時間，透過儀器重新學習呼吸。，直至近半年呼吸情況才有好轉。WinWin更坦承體力已不如從前，當時更不敢出街，因擔心被人撞親，或被空氣中的細菌感染。WinWin自嘲每一次都死過翻生：「我真係覺得好黐線，經歷咁多生命、死亡輪迴。」令她可堅持到今天的就是不斷跟自己說︰「楊安妮，你唔可以死，你仲有好多嘢未做！」而雖然康復過程艱辛，但WinWin就自覺變得堅強，日常的病痛已不外如事。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）