【酒樓優惠】連鎖酒家晚市大劈價！$4起嘆乳鴿+燒雞 4款海鮮小菜$28

想平平地食餐晚飯？小編有好推介！明星海鮮酒家最近推出全新晚市超值優惠，震撼價$4起就可以食到紅燒乳鴿及燒雞，另外多款海鮮小菜都只需$28就能享用，想知詳情即往下看！

明星海鮮酒家優惠｜$4起嘆乳鴿+燒雞

Photo from 官方圖片

Photo from 官方圖片

明星海鮮酒家最近推出全新晚市超值優惠，多款招牌菜式以驚喜價回饋顧客！最吸睛優惠必提招牌「紅燒乳鴿」，每位顧客可以$4震撼價享用半隻，每隻乳鴿外皮烤得紅潤香脆，肉質鮮嫩多汁，絕對要點！另一招牌「明星脆皮雞」亦同樣大劈價，僅需$18即可品嚐半隻，不過需要留意，乳鴿須按人頭計算，燒雞則根據食客數目提供半隻或全隻。

明星海鮮酒家優惠｜$28任選鮑魚、蒸魚、生蝦小菜

除招牌燒味以外，今次優惠中更可以$28點選酒樓四款精緻海鮮和菜餚，包括：魚子醬伴冰鎮鮑魚/脆皮鮑魚、陳皮油鹽蒸沙巴仔、醬爆西蘭花炒蝦球脆蚌片以及蒜蓉開邊蒸海生蝦，款款都極吸引CP值高，絕對是晚飯聚餐的福音！

【明星海鮮酒家 晚市優惠】

供應時間： 星期一至日，晚上5:30後供應
條款及細則：
以上優惠每枱只可選擇其中一款。
紅燒乳鴿及明星脆皮燒雞優惠不適用於深水埗分店。
西九龍「明星樓」分店不適用於本次所有優惠。

Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）