太陽城集團第六十四屆澳門格蘭披治大賽車開鑼喇！星光熠熠 一連四日 六項盛大賽事～

又到咗一年一度太陽城集團澳門格蘭披治大賽車喇！今年已經係第64屆喇！一共6項賽事將會喺11月16至19日舉行。等小編預告俾你地知有邊6項賽事喇！

哇哇哇！咁大嘅賽事，當然唔少得一眾星星到場支持喇！鄭秀文、古天樂、陳慧琳同林嘉欣......哎呀，多到數唔曬啊！

Photo from 澳門特別行政區政府旅遊局

Photo from 澳門特別行政區政府旅遊局

1.「太陽城集團澳門東望洋大賽」

Photo from 澳門特別行政區政府旅遊局

睽違三年嘅FIA世界房車錦標賽，終於喺「太陽城集團澳門東望洋大賽」再度登場喇！今次唔同嘅係澳門站首回合及次回合賽事將會分開11月18日同19日，星期六同日舉行㗎！當中仲會有19位黎自世界各地嘅頂級車手，激鬥一番添！真係諗起都刺激啊！

2.「太陽城集團澳門格蘭披治三級方程式大賽」

Photo from 澳門特別行政區政府旅遊局

邁向第35年，一眾車壇明日之星先會黎個為時三日嘅前奏，進行自由練習、排位賽同選拔賽，營造緊張刺激嘅氣氛，跟手就喺星期日參與正式嘅比賽。只能說，精彩！

3.「澳博澳門GT盃」

Photo from 澳門特別行政區政府旅遊局

Photo from 澳門特別行政區政府旅遊局

不是開玩笑，呢個澳門GT盃已經係連續第三年成為國際汽聯GT世界盃喇！相信今年戰況一定更加精彩，皆因有分別代表7個唔同汽車廠牌嘅20席參賽陣容，當中仲有八位曾經喺東望洋跑道舉行嘅主項大賽入面奪得冠軍嘅車手添啊！誰勝誰負，相信真係難分高下啊！大家嘅心臟要ready負荷到先得喇～

4.「太陽城集團澳門格蘭披治電單車—第五十一屆大賽」

Photo from 澳門特別行政區政府旅遊局

小編覺得電單車賽事係最經心動皮㗎喇，因為騎士左片右片，好似就黎飛出黎咁！電單車賽分別會喺星期四早上有練習、下午有排位賽，星期五早上有排位賽同埋星期六嘅賽前熱身同賽事㗎。一共28位國際頂尖級騎士，上年嘅三甲得主都會再次黎到挑戰添啊！相信戰況一定會好激烈啊！

除咗以上嗰四大主要嘅賽事之外，仲有「CTM澳門房車盃」同「太陽城集團華夏賽車大獎賽」，俾大家一睹本地同亞洲車手高水準嘅競逐啊！

門票已經喺澳門廣星／澳門售票網發售喇！價錢由澳門幣50蚊至900蚊不等，想了解多啲就去呢度睇下喇！

Photo Source：澳門特別行政區政府旅遊局

Presented by：澳門特別行政區政府旅遊局