冬天大阪必去！日本環球影城2大娛樂項目超強誕生！新聖誕樹同哈利城堡冬天光景！

By 123testing on 23 Nov 2017

去大阪，唔好話你未去過日本環球影城～小編作為theme park嘅愛好者，又身為Harry Potter 嘅小粉絲，日本環球影城一定係小編嘅bucket list！今個聖誕節，就等小編帶你地一齊去感受前所未有嘅夢幻世界啦！！！
Photo from PressLogic

『迷你兵團聖誕瘋狂派對』全新可愛萌爆登場

Ba～Ba～Ba～Nana～～～超可愛嘅迷你兵團（minion)都嚟到日本環球影城同大家一齊慶祝聖誕節啦！好多日本嘅遊客仲會同你一齊cosplay成迷你兵團個樣，氣氛真係好正啊！

而今年春天先開幕嘅世界最大迷你兵團主題園區～一定係迷你兵團粉絲必打卡嘅景點！佢地隻隻都好打耳、好打耳、好打耳啊！（好重要，所以要講3次！）小編都好想攬下佢地～

Photo from PressLogic

為食嘅小編，見到迷你兵團主題園區仲有得賣迷你兵團爆谷桶，好可愛～最驚喜嘅係，入面嘅爆谷仲要係⋯⋯香！蕉！味！真係估你唔到～食完爆谷，梗係要帶迷你兵團番屋企收藏啦～

Photo from PressLogic

仲有仲有～就係minion sandwich啊～小編見到佢咁可愛～實係唔捨得食！

Photo from PressLogic

估唔到連聖誕裝飾嘅繽紛遊行車～都有一大班迷你兵團同大家一齊唱歌跳舞，真係好熱鬧啊！超人氣嘅迷你兵團係呢個冬天，已經換上咗聖誕裝係聖誕party中全新登場～繽紛巡遊仲有好多日本環球影城嘅經典角色，例如HelloKitty、Snoopy等等～真係影一千張相都影唔夠啊～

Photo from PressLogic

『霍格華茲TM魔法之夜~ 冬季魔法~』即將全新登場

去日本環球影城，一定唔可以錯過去哈利波特魔法世界（Harry Potter Land)。『哈利波特魔法世界』裡，霍格華茲城堡施展冬天嘅魔法，呈現出壯麗嘅城堡表演『霍格華茲TM魔法之夜~ 冬季魔法~』！真係睇到小編目瞪口呆～實在太magic啦～
Photo from PressLogic

Photo from PressLogic

而充滿聖誕裝飾嘅魔法界係夜晚來臨後，會被白雪覆蓋成個霍格華茲城，就好似被施展魔法一樣，呈現出非常具有聖誕季節嘅溫暖‌光芒‌～唔同嘅舞蹈同場景，帶嚟一場又一場嘅good show～而呢個表演每10分鐘就會有一次！更加冇唔去睇嘅藉口～

Photo from PressLogic

而身為Harry Potter小粉絲嘅小編，圍上葛來分多嘅頸巾，仲同活米村入面嘅魔法師施展魔法點亮星星燈～裝飾物仲會移動嘅“魔法聖誕樹”亦有登場！實在好好玩呀～～～最好就係冷冷嘅冬天～可以飲上一大杯暖暖嘅butter beer～覺得自己就好似Harry Potter入面嘅學生咁呀～

Photo from PressLogic

超高魔法聖誕樹

聖誕節點可以少得一棵高大嘅聖誕樹？呢棵聖誕樹會隨著光同音樂變換唔同嘅樣貌～無論轉咩色都一樣咁靚～小編覺得好浪漫，絕對要同男朋友一齊嚟！
Photo from PressLogic

Photo from PressLogic

另外，榮獲世界頂尖嘅聖誕表演『天使的奇蹟III ~The Voice of an Angel~』壯麗演出，相當具有戲劇性，佢地唱嘅歌，都令小編聽到如痴如醉～When I was small, and christmas trees were tall⋯⋯好感人啊！
Photo from PressLogic
Photo from PressLogic