亞洲最佳甜品師將茶餐變成藝術品！港式地道下午茶餐 x 英式下午茶！全港鹹點最多下午茶之選～

By 123testing on 22 Nov 2017

COBO HOUSE嘅「CHA CHAAN」其實係「茶餐」嘅譯音，係香港獨有嘅飲食文化！不過依家愈黎愈多人食英式嘅下午茶～所以已經連續蟬聯兩年拎左「亞洲最佳甜品師」嘅Janice Wong (黃慧嫻) 就融合左香港嘅港式下午茶餐入呢個英式下午茶入面～除左係味覺上嘅享受，成個下午茶仲要成件藝術品咁，有埋視覺上嘅享受！

COBO HOUSE係由 K11 Art Foundation 創辦人鄭志剛先生創立同設計，用左唔少雲石嘅傢私，好文青好舒服好有藝術氣息嫁！Photo from Presslogic

Photo from Presslogic

其實自上年COBO HOUSE推出「CHA CHAAN」之後已經有好大回響喇！今次呢個升級版仲加推左四款鹹點，包括松露芝士火腿、芝士焗南瓜薯仔、帶子素麪米紙卷，同埋豆寇南瓜湯配羊奶芝士塊。真係聽見都流哂口水啊！Photo from Presslogic

係享用呢個成個好似藝術品咁嘅下午茶之前，會係噴上爆谷，係味覺享受之前，仲有視覺同嗅覺上嘅衝擊～好有心思啊！

豆寇南瓜湯配羊奶芝士塊好似份子料理咁，一放入口就咇哂啲湯出黎～味道好重南瓜同芝士味～係口入面化開，好滿足啊！Photo from Presslogic

帶子素麪米紙卷係Janice將新加坡國家博物館嘅帶子素麵放係個米紙卷入面，整成一口嘅size，可以比大家一啖試到呢個國家級菜式啊！Photo from Presslogic

鹹點最矚目一定係最頂層嘅蘑菇花園～係Janice最出色嘅菜式之一黎嫁～厚厚一層蘑菇松露蓉，上面加上shiitake蘑菇、炸紫薯、炸甜薯等等～食落去都幾fresh，而且松露味好濃郁，超好味啊！Photo from Presslogic

Photo from Presslogic

除左新加嘅四款之外，仲有辣肉腸立方丸子、五香鴨肉饅頭、五香鴨肉饅頭，一共有七款～Photo from Presslogic

Photo from Presslogic

而甜點就有五款～包括鹹、甜爆谷波板糖、鹹蛋肉鬆泡芙、綠茶 Financier、英式鬆餅配自家製果醬同奶油，仲有Janice Wong自家製朱古力！Photo from Presslogic

Photo from Presslogic

小編最愛莫過於鹹蛋肉鬆泡芙，泡芙入面唧入濃濃嘅鹹蛋吉士醬，用左充滿香港特式嘅鹹蛋同肉鬆～呢個甜點食落有鹹香，甜甜地鹹鹹地真係好特別！上面再加上香口嘅肉鬆，一啖食哂真係好好味啊！Photo from Presslogic

除此之外，呢個鹹、甜爆谷波板糖都好特別嫁～咬開甜個個會有清新柚子味，而鹹個個感覺好似食緊鹹味朱古力咁！好特別啊～Photo from Presslogic

而呢個下午茶又點少得飲埋Janice Wong茶，口味好特別嫁！有拖肥爆谷茶、朱古力薄荷松露茶、法式焦糖燉蛋茶、小杏仁玫瑰茶、可樂茶、寶萊塢茶、法國格雷伯爵茶同草莓洋甘菊茶～小編飲左法式焦糖燉蛋茶，聞落真係好似法式焦糖燉蛋嫁！有住陣陣焦糖味，唔會太甜，又可以解膩！

如果想飲酒，可以加$100飲杯Papis Loveday Brut香檳或者加$110飲杯Papis Loveday Rosé香檳！

唔止啊！有得食仲有得拎嫁～只要係係2017年12月24～26同埋12月31去享用呢份「CHA CHAAN」，每位仲會送聖誕禮物一份，係Lhamour “Organic Petite Soap Collection”價值$125嘅禮品套裝～想要嘅朋友快啲去預訂喇！

依家佢地仲有個Giveaway，凡惠顧COBO HOUSE影張靚相，上傳到社交媒體Instagram，Follow同 @cobohousehk就有機會贏到三亞半山半島洲際度假酒店、柬埔寨暹粒文怡舍精品酒店或者COBO HOUSE $1,000 餐飲禮券一張喇！快啲參加啦～Photo from Presslogic