那些年你一定睇過系列 千辛萬苦挑選五大台灣綜藝節目 無睇過嘅番屋企訓教喇

上次講咗想當年hit爆嘅台劇喇，今次就到一定睇過嘅台灣綜藝節目喇！不是開玩笑，小編係每日放學都會即刻追番前一晚嗰集。食野睇、做功課睇、訓前睇、訓醒睇，總之一有時間就會開黎睇喇。

1.康熙來了

Photo from 康熙來了FB專頁

邊個未睇過康熙來了先，講！做咩咁睇唔開啊...雖然佢未至於陪伴住年輕嘅小編成長，但係都算陪伴住我無數個寂寞嘅晚上。小S同康永哥呢個組合係小編心中最無得頂嘅一對，大膽搞笑最鍾意串人同非禮男藝人嘅小S加上學識淵博，負責控制小S嘅康永哥，仲有個集集都俾兩位踩嘅助理主持漢典，擦出無限火花。

Photo from 康熙來了FB專頁

節目邀請好多不論紅唔紅嘅明星或者素人上去，當中有唔少素人都係因為上咗呢個節目而受到關注㗎！

Photo from 康熙來了FB專頁

嗰陣知道呢嘅節目要完嘅時候，真係傷透大眾嘅心，陰公。

Photo from 康熙來了FB專頁

2.我愛黑澀會

Photo from Pinterest

呢個節目由黑人陳建州主持，招募咗一大班青春少女參與節目，當年都真係超轟動㗎！成大班女仔一齊雖然有時係幾噪，但係睇到班女仔一時玩機心一時又玩姊妹情，又真係有笑有淚嘅。唔聲唔聲都做咗過千集㗎喇～

見個節目咁紅，之後仲揀咗9個女仔出道，組合名叫做「黑澀會美眉」。

Photo from Pinterest

3.我猜我猜我猜猜猜

顧名思義就係要猜猜猜，唔同嘅單元都有一個共同點，就係要觀眾一齊估出啱嘅答案。節目曾經由唔同嘅主持人主持，當中收視最好嘅時期相信都係吳宗憲嗰陣喇。仲攞過全台收視冠軍添～

好多依家當紅嘅偶像都做過主持人㗎！好似楊丞琳喇～

SHE喇～

4.天才衝衝衝

Photo from 天才衝衝衝FB專頁

小編私心之選！超好笑嘅遊戲節目，由乃哥同城城哥做主持，另外有兩位女主持，第一代係小嫻同艾莉絲，當初佢地兩個唔做嘅時候，好多觀眾都好唔捨得㗎～其後不停有無同嘅女明星做代理主持，知道2014年就揀咗Albee同張文綺咗主持喇。

Photo from 天才衝衝衝FB專頁

每集邀請唔同嘅來賓，分成兩隊進行比賽，好笑除咗係因為來賓，好大嘅功勞係四位主持人唔同嘅性格。乃哥以脾氣暴躁為佢嘅個人特色、城城哥就比較溫和，但其實兩位都係聰明人。相反，女主持方面，Albee係冰雪聰明，經常都會贏，但係張文綺就比較蠢，不過咁樣先有效果㗎嘛～

Photo from 天才衝衝衝FB專頁

5.娛樂百分百

Photo from 娛樂百分百FB專頁

一樣換過多次主持，做得最耐嘅就係羅志祥小豬喇～佢搞笑係人都知㗎喇，為節目帶黎好多笑點，加埋小鬼一唱一和，好似唔洗講都知對方想講咩，自然就爆咗啲笑點出黎喇～不過上年年頭小鬼就離開咗做咗9年嘅百分百，傷心死一眾粉絲啊！

Photo from 娛樂百分百FB專頁

依家就由小豬、愷樂（蝴蝶姐姐）、威廉、邱宇辰、WISH、Masha繼續主持百分百喇～就...有啲野見仁見智喇，小編表示好懷念小豬、小鬼同蝴蝶時期囉。

Photo from 娛樂百分百FB專頁

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載