食住雞煲都可支持本地音樂！加埋哈哈哈中寶／竹笙墨魚滑／手切特級霜降和牛等極高質配料！

米走雞嘅芝士雞煲一向出名，但其實佢嘅麻辣雞煲同埋新出嘅原條生魚卜卜蜆煲都一樣吸引又好食，重點係配上極高質配料，真係食過返尋味呀！

Photo from Presslogic
而家米走雞仲開左四間分店添，觀塘依間嘅裝橫偏向西化，同中式雞煲好唔同，事緣係同上次介紹嘅Mini Friday同一班老板，而觀塘分店就將兩間鋪開埋係隔離，所以外觀更西化。重點係觀塘分店仲會不定時邀請local live band上黎表演，一邊食住雞煲，一邊聽住歌，現場氣紛超好呀！
Photo from Presslogic

先黎緊係介紹最出名嘅黃金芝士雞煲，建議大家可以試過細煲，咁就可以叫多D料食啦！芝士雞煲一黎到，點著火，就見到好多芝士開始溶，感覺好治瘉，等到芝士滲入晒雞度，就可以開始食啦。食落每一啖都感覺到好濃郁嘅芝士味，仲要每件雞都可以起絲，加埋啲洋蔥，乾蔥更香口更惹味。而且佢地全部都係用雞脾肉，肉質勁嫩滑呀！
Photo from Presslogic
Photo from Presslogic

勁力推薦配上竹笙墨魚滑，外面由竹笙再包住入面嘅墨魚滑，墨魚滑仲要係佢地親手打出黎，食落去又滑又爽口，再點上芝士雞煲嘅芝士汁，簡直一流呀!另外其他配料都唔錯呀，例如特級霜降和牛粒，好軟淋淋，點上芝士汁更係絕配。
Photo from Presslogic
Photo from Presslogic

除左芝士雞煲，其實佢地嘅火焰麻辣雞煲都好受觀迎，大家可以揀辣度，即使唔太食得辣嘅朋友都可以一試BB辣！烹調方法更加睇到開心呀，侍應會即場炮製，雞煲一打開就會點火，團團火焰不斷升起，侍應隨即加麻辣醬不停炒，過左一陣，陣陣麻辣香氣已經不斷湧出黎，小編勁想再食呀！食落每件雞髀肉都添上麻辣濃郁嘅味道，同埋辣味嘅激刺。
Photo from Presslogic

大家不妨配上手切特級霜降和牛，肥瘦適中嘅和牛再配上麻辣湯，真係爽到冇朋友，食到小編停唔到口呀！亦可以配上蟹子鮮蝦滑，食落感覺好特別！
Photo from PresslogicPhoto from Presslogic

最後緊係要介始新出嘅原條生魚卜卜蜆煲，唔好睇少佢，完全為一班愛美又怕肥嘅女士提供一個打邊爐好選擇。假如已經成日食芝士雞煲同麻辣雞煲，真心推介試卜卜蜆煲，可以先食原條生魚，仲配上一碟生魚片，魚肉多又滑，再加上啖啖肉嘅卜卜蜆，正呀！
Photo from Presslogic

配合魚湯，可以食哈哈哈中寶，最外面有卜卜蝦子，再mix配魚滑，內裹仲有好多蝦，真係食落每一口都食到蝦肉，大大舊好抵食。另外又或者配上桂花蚌，又係超級滑同爽口，小編都忍唔住食左好多添！
Photo from Presslogic
Photo from Presslogic

食左咁多雞煲邊爐，當然要食返個糖水滋潤下啦，佢地嘅百合綠豆爽同楊枝甘露唔會太甜，甜味岩岩好，又清熱！
Photo from Presslogic

提外話，佢地仲有飛標玩添，真係多元化！
Photo from Presslogic

米走雞芝士雞煲專門店 Running Chicken
地址：觀塘興業街4號The Wave 3樓
長沙灣青山道383號地舖
旺角彌敦道761號太子藍馬之城2樓
銅鑼灣渣甸街50號渣甸中心3樓全層
營業時間：星期一至日18:00-00:00

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載