澳門打卡必去聖地逐格數！青春？文青？懷舊古典？定葡式風味 要咩感覺就有咩感覺

作為文青，作為港女，小編當然去到邊影到邊，去旅行點少得打卡啊？就算近近地去個澳門，小編都要搵啲地方打下卡。澳門之前俾葡萄牙管治過大家都知喇，所以除咗大三巴、觀音像、媽閣廟景緻真優美之外，都有好多地方保留住葡萄牙式嘅建築㗎～

1.嘉模聖母教堂
澳門有好多教堂都係用呢啲粉色系做外牆，粉色嘅景當然要配合粉色filter啦，影出嚟真係好靚㗎！呢個米黃色嘅嘉模聖母教堂就係喺氹仔唯一嘅天主教堂，亦都被列入澳門文物名錄入面㗎。教堂有三層高，最高係一個鐘樓黎㗎～睇下cam man幾狂野！

Photo from PressLogic

2.民事登記局
影完教堂可以順手影埋佢對面嘅民事登記處，出世啊～結婚啊～都係喺度登記的呢。唔知係咪特登夾埋嘅呢，牆身都一樣係米黃色。紅粉菲菲，懶係少女扮文青影相。用埋foodie嘅少女filter簡直係最佳呃like相！

Photo from PressLogic

3.瘋堂斜巷

Photo from PressLogic

點解會有個咁嘅名呢，其實係因為佢附近嘅「望德聖母堂」以前係專為痲瘋病人而設嘅，咁佢出面嘅呢條馬路就叫做瘋堂斜巷喇～呢度打卡都出曬名㗎喇，呢條街一路落去都有好多五顏六色嘅建築物，俾你慢慢影㗎～好似呢座米黃色底，磚紅色窗嘅建築物咁。想文青feel可以企係牆邊打橫影，一隻腳踩住副牆唔洗教喇下話。

Photo from PressLogic

要震撼嘅，企出黎打斜影曬成個建築物又得。（完美示範遊客pose）

Photo from PressLogic

色彩繽紛系列仲又呢個黃色底，綠色門，夠曬sharp喇下話。

Photo from PressLogic

除咗五顏六色，黑白色、啡色都好古典美㗎～一樣踩牆再加埋撥頭髮同懶係望天望地望空氣咁，小編睇番都想打自己。

Photo from PressLogic

除咗靠牆影，其實一棟棟嘅建築物距離唔係太遠，所以都可以選擇係佢地之間影，都做到好靚嘅效果㗎。

Photo from PressLogic

隔黎有個叫做婆仔屋嘅文化創意空間，時不時都會有一啲展覽㗎。

Photo from PressLogic

4.新馬路福隆新街
取景聖地喇呢度，影完葡式風味嘅建築物，可以影下呢隻懷舊老爺mood。路嘅兩旁係灰色磚牆身，仲係有啲剝落嘅feel。而且兩旁係兩層樓嘅，營造古代屋仔嘅感覺。加埋當日天陰陰，成件事更加灰～「天灰灰，會不會讓我忘了你是誰～」都係個啲喇，西下面做番自己，懶幽怨咁囉。

Photo from PressLogic

想再懷舊啲，可以加啲effect，令到成件事再陳年啲㗎

Photo from PressLogic

灰色牆身加埋復古紅色嘅大門，一樣都好有感覺㗎～

Photo from PressLogic

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載